Live Updates

آئی سی سی کا سالانہ اجلاس 19 تا 22 جولائی کولمبو میں ہوگا

منگل 16 جولائی 2024 15:07

کولمبو(اُردو پوائنٹ اخبارتازہ ترین - این این آئی۔ 16 جولائی2024ء) انٹرنیشنل کرکٹ کونسل (آئی سی سی) کا سالانہ اجلاس 19 سے 22 جولائی تک کولمبو میں ہوگا۔سری لنکا کرکٹ نے آئی سی سی کی سالانہ میٹنگز کی تفصیلات جاری کردیں، کونسل کی سالانہ میٹنگ کا انعقاد پہلی بار ایشیا میں ہوگا۔

(جاری ہے)

سری لنکن کرکٹ کے مطابق آئی سی سی اجلاس میں 108 رکن ممالک کے 220 اراکین شرکت کریں گے، جس میں کرکٹ کی لاس اینجلس اولمپکس 2028ء میں شرکت کے حوالے سے بات چیت ہوگی۔

چیئرمین پاکستان کرکٹ بورڈ (پی سی بی) محسن نقوی اور سی ای او پی سی بی سلمان نصیر سالانہ میٹنگ میں پاکستان کی نمائندگی کریں گے۔چیئرمین پی سی بی محسن نقوی اور سلمان نصیر 18 جولائی کو سری لنکا روانہ ہوں گے۔ذرائع کے مطابق آئی سی سی اجلاس میں چیمپئنز ٹرافی کی اپ ڈیٹ پر بات چیت کا امکان ہے۔