کوہلی اور روہت شرما فٹ رہتے ہیں تو وہ 2027ء کا ورلڈ کپ بھی کھیل سکتے ہیں : گوتم گمبھیر

روہت شرما اور ویرات کوہلی کو چیمپئنز ٹرافی کے لیے متحرک رکھا جائے گا : بھارتی کرکٹ کوچ

ذیشان مہتاب منگل 23 جولائی 2024 16:43

کوہلی اور روہت شرما فٹ رہتے ہیں تو وہ 2027ء کا ورلڈ کپ بھی کھیل سکتے ہیں ..

ممبئی (اردو پوائنٹ تازہ ترین اخبار۔ 23 جولائی 2024ء ) بھارتی ٹیم کے ہیڈ کوچ گوتم گمبھیر نے کہا ہے کہ کرکٹ کھیلنا یا نہ کھیلنا روہت شرما اور ویرات کوہلی کا ذاتی فیصلہ ہو گا۔ بھارتی میڈیا کے مطابق گوتم گمبھیر نے کہا ہے کہ روہت شرما اور ویرات کوہلی کو چیمپئنز ٹرافی کے لیے متحرک رکھا جائے گا۔ انہوں نے کہا کہ کوہلی اور روہت شرما فٹ رہتے ہیں تو وہ 2027ء کا ورلڈ کپ بھی کھیل سکتے ہیں۔

(جاری ہے)

گوتم گمبھیر کا کہنا ہے کہ دونوں کھلاڑیوں نے دکھایا کہ چاہے ٹی ٹونٹی ہو یا ون ڈے کرکٹ وہ ڈلیور کر سکتے ہیں، روہت شرما اور ویرات کوہلی اب بھی ورلڈ کلاس کھلاڑی ہیں۔ واضح رہے کہ ٹی ٹونٹی ورلڈ کپ جیتنے کے بعد روہت شرما اور ویرات کوہلی نے ٹی ٹونٹی فارمنٹ سے ریٹائرمنٹ کا اعلان کیا تھا۔