بھارت کیخلاف 176.5 کلومیٹر فی گھنٹہ کی گیند، کیا سٹارک نے شعیب اختر کا تیز ترین گیند کا 22 سالہ ریکارڈ توڑ ڈالا؟

بھارت کیخلاف میچ میں مچل سٹارک کی جانب سے پھینکی گئی گیند کو اسپیڈو میٹر پر 176.5 کلومیٹر فی گھنٹا دکھایا گیا

ذیشان مہتاب اتوار 19 اکتوبر 2025 12:52

بھارت کیخلاف 176.5 کلومیٹر فی گھنٹہ کی گیند، کیا سٹارک نے شعیب اختر کا ..

پرتھ (اردو پوائنٹ تازہ ترین اخبار ۔ 19 اکتوبر 2025ء ) بھارت کے خلاف ون ڈے سیریز کے پہلے میچ میں مچل سٹارک کی جانب سے پھینکی گئی ایک گیند کو اسپیڈو میٹر پر 176 کلو میٹر فی گھٹنہ کی رفتار سے دیکھ کر سب حیران رہ گئے۔

بھارت اور آسٹریلیا کے درمیان ون ڈے سیریز کا پہلا میچ کھیلا جا رہا ہے جس میں بھارت کی آسٹریلیا کے خلاف بیٹنگ جاری ہے۔

آسٹریلیا کے فاسٹ بولر مچل اسٹارک نے بھارت کے خلاف 5 اوورز کا پہلا شاندار اسپیل کیا جس میں انہوں نے 20 رنز دیکر ایک اہم وکٹ حاصل کی۔

سٹارک نے بھارت کے اسٹار بیٹر ویرات کوہلی کو صفر پر پویلین بھیجا۔ تاہم مچل اسٹارک کے سپیل کی پہلی ہی گیند جو انہوں نے روہت شرما کو کرائی اس کی رفتار اسپیڈو میٹر پر 176.5 کلومیٹر فی گھنٹہ بتائی گئی جو ون ڈے کرکٹ کی تاریخ کی اب تک کی سب سے تیز ترین گیند ہے۔

(جاری ہے)

آسٹریلوی فاسٹ بولر عام طور پر 140 کلومیٹر فی گھنٹہ کی رفتار سے گیند کرتے ہیں تاہم اسپیڈو میٹر نے تکنیکی غلطی سے ان کی گیند کو 176 اعشاریہ 5 کلومیٹر دکھا دیا جو دیکھتے ہی دیکھتے سوشل میڈیا پر وائرل ہو گئی۔

یاد رہے کہ کرکٹ کی تاریخ میں سب سے تیز ترین گیند کا ریکارڈ پاکستان کے شعیب اختر کے پاس ہے، شعیب اختر نے ورلڈ کپ 2003ء میں انگلینڈ کے خلاف میچ میں 161.6 کلومیٹر فی گھنٹہ یعنی 100.23 میل فی گھنٹہ کی رفتار سے گیند کرائی تھی۔

پاکستانی فاسٹ بولر کی تیز ترین گیند کا یہ ریکارڈ آج 22 برس بعد بھی برقرار ہے۔