شمالی وزیرستان، سیکیورٹی فورسز کا آپریشن، دہشتگرد رزاق ہلاک

ہلاک دہشت گرد گل بہادر کا قریبی ساتھی ،دہشت گردی کی متعدد کارروائیوں میں ملوث تھا، آئی ایس پی آر

جمعہ 26 جولائی 2024 21:25

راولپنڈی (اُردو پوائنٹ اخبارتازہ ترین - این این آئی۔ 26 جولائی2024ء) شمالی وزیرستان میں سیکیورٹی فورسز کے آپریشن کے دوران فائرنگ تبادلے میں دہشتگرد رزاق ہلاک ہوگیا۔

(جاری ہے)

آئی ایس پی آر کے مطابق دہشتگردوں کی موجودگی کی اطلاع پر سیکیورٹی فورسز نے شمالی وزیرستان میں آپریشن کیا ، اس دوران فائرنگ تبادلے میں دہشتگرد رزاق ہلاک ہوگیا،ہلاک دہشت گرد گل بہادر کا قریبی ساتھی اور علاقے میں دہشت گردی کی متعدد کارروائیوں میں ملوث تھا۔

آئی ایس پی آر کے مطابق ہلاک دہشت گرد 6جنوری 2023کو ملک شیر محمد کی ٹارگٹ کلنگ میں ملوث تھا اور 16مارچ کو شمالی وزیرستان میں خودکش بم حملے کی سہولت کاری میں بھی شامل تھا۔آئی ایس پی آر کے مطابق علاقے میں پائے جانے والے کسی دوسرے دہشتگرد کے خاتمے کیلئے کلیئرنس آپریشن جاری ہے جبکہ پاکستان کی سیکیورٹی فورسز ملک سے دہشتگردی کی لعنت کے خاتمے کیلئے پرعزم ہیں۔