حرمین الشریفین میں معذور افراد کے لیے خصوصی گالف گاڑیاں متعارف

ہفتہ 27 جولائی 2024 16:39

مکہ مکرمہ(اُردو پوائنٹ اخبارتازہ ترین - این این آئی۔ 27 جولائی2024ء) سعودی عرب کے ادارہ برائے امور حرمین الشریفین کی انتظامیہ کی جانب سے معذور اور بیمار افراد کی سہولت کیلیے خصوصی گالف گاڑیوں کا اہتمام کیا گیا ہے ۔

(جاری ہے)

میڈیارپورٹس کے مطابق مسجد الحرام کی انتظامیہ نے طواف بیت اللہ کے لیے حرم شریف کی چھت پر فراہم کی جانے والی گالف گاڑیوں کی تعداد میں اضافہ کرتے ہوئے ان افراد کے لیے متعدد گاڑیاں مخصوص کی ہیں جو ویل چیئر استعمال کرتے ہیں۔مخصوص گاڑیوں میں ویل چیئرز کو چڑھانے میں آسانی کے لیے ہائیڈرالک سلوپ کا خصوصی اضافہ کیا گیا ہے تاکہ ویل چیئراستعمال کرنے والے معذور اور معمر افراد کو کسی قسم کی دشواری کا سامنا نہ کرنا پڑے۔