Live Updates

پھر حملہ ہوا تو یورینیئم کی 90 فیصد افزودگی بھی کر سکتے ہیں

90 فیصد یورینیئم افزودگی کے ممکنہ آپشنز پر پارلیمان میں جائزہ لیں گے، ایران کا پیغام

محمد علی منگل 12 مئی 2026 18:53

تہران (اُردو پوائنٹ اخبارتازہ ترین۔ 12 مئی2026ء) ایران نے دھمکی دی ہے کہ پھر حملہ ہوا تو یورینیئم کی 90 فیصد افزودگی بھی کر سکتے ہیں۔ تفصیلات کے مطابق ایران کی پارلیمانی قومی سلامتی و خارجہ پالیسی کمیشن کے ترجمان ابراہیم رضائی نے دھمکی دی ہے کہ نئے امریکی و اسرائیلی حملے کی صورت میں ایران کے ممکنہ آپشنز میں سے ایک یورینیئم کی 90 فیصد افزودگی بھی ہو سکتا ہے۔

(جاری ہے)

سوشل میڈیا پلیٹ فارم ایکس پر جاری اپنے بیان میں انہوں نے کہا ہے کہ اس 90 فیصد یورینیئم افزودگی کے ممکنہ آپشنز پر پارلیمان میں جائزہ لیں گے۔ اس سے قبل اسپیکر ایرانی پارلیمنٹ باقر قالیباف نے کہا تھا کہ 14 نکاتی تجاویز میں درج ایرانی عوام کے حقوق قبول کرنے کے سوا کوئی متبادل نہیں۔ اپنے بیان میں باقر قالیباف نے کہا تھا کہ کوئی بھی دوسرا راستہ مکمل طور پر غیر نتیجہ خیز ہو گا، ایک کے بعد دوسری ناکامی کے سوا کچھ نہیں ہو گا۔ انہوں نے یہ بھی کہا تھا کہ جتنا زیادہ اس معاملے کو تاخیر کا شکار کیا جائے گا، امریکی ٹیکس دہندگان کو اتنی ہی زیادہ قیمت چکانا پڑے گی۔