بھاگ ،کھلی کچہری عوامی حلقوں نے شہر میں موجودہ مسائل کی شکایات کے انبار لگا دیئے

منگل 30 جولائی 2024 17:45

بھاگ (اُردو پوائنٹ اخبارتازہ ترین - این این آئی۔ 30 جولائی2024ء) بھاگ ڈپٹی کمشنر کچھی کے احکامات کی روشنی میں اسسٹنٹ کمشنر بھاگ نوید بلوچ نے کھلی کچہری کا انعقاد کیا ۔

(جاری ہے)

اس موقع پر ایف سی 52 ونگ کے میجر فواد احمد کیپٹن عمیر تحصیلدار بھاگ سید اللہ یار شاہ ایم ایس سول ہسپتال بھاگ رفیق احمد گھنیو ایڈمنسٹریٹر میونسپل کمیٹی بھاگ حاجی خان جونیجو لائن سپریڈنٹ کیسکو مظہر علی جاموٹ ایس ایچ او بھاگ غلام مصطفیٰ عباسی ڈی ڈی او تعلیم بھاگ حق نواز جتک ایگریکلچر آفیسر میران بلوچ ہیڈ ماسٹر گورنمنٹ ہائی سکول بھاگ حافظ عبدالکریم ایس ایچ او لیویز حفیظ ابڑو و دیگر محکموں کے آفیسران نے شرکت کی بھاگ کے مسائل پر چیرمین میونسپل کمیٹی بھاگ مفتی کفایت اللہ قبائلی رہنما ارباب قادر بخش ایری ایکشن کمیٹی بھاگ کے چیرمین عبدالستار بنگزئی جمیعت علماء اسلام کے رہنما مولانا محمد یوسف گویا جاموٹ قومی موومنٹ کے سینئر رہنما کامریڈ نور احمد جاموٹ کامریڈ فیاض جاموٹ نیشنل پارٹی کے رہنما وفا مراد سومرو کامریڈ ٹکا خان کلواڑ غنی بلوچ بولان یوتھ اتحاد کے چیرمین غلام حسین بلوچ و اقلیتی رہنما گیان چند صحافی برادری و عوامی حلقوں نے شہر میں موجودہ مسائل کے انبار لگا دیئے خصوصاً امان و امان کا مسلہ آب نوشی آبپاشی نکاسی آب گیس پریشر کی کمی اسپتال میں ادویات کی کمی بجلی کی لوڈشیڈنگ لائیو اسٹاک ایگریکلچر ندی ناڑی ڈیموں سے پانی کی غیر منصفانہ تقسیم ٹرانسپورٹ کرایوں اشیاء خوردونوش ریٹ لسٹ پر عملدرآمد کے مسائل سے زبانی و تحریری آگاہ کیا اس موقع پر اسسٹنٹ کمشنر بھاگ نوید احمد بلوچ نے کھلی کچہری سے خطاب کرتے ہوئے کہا کہ ہم غریب عوام کی فلاح پر یقین رکھتے ہیں عوام کے بنیادی مسائل کو ان کی دہلیز پر حل کرنے کیلئے عملی کاوشیں کر رہے ہیں کھلی کچہری میں جن مسائل کی نشاندہی کی گئی اس کے حل کیلئے ہر ممکن ہر حد تک اقدامات اٹھا کر حکام بالا تک پہنچائے جائیں گے لوگوں کے جو مسائل ہیں ان کو سننے اور حل کرنے کیلئے اسسٹنٹ کمشنر آفس کے دروازے کھلے رہیں گے عوامی مسائل کو حل کرنے کیلئے احکامات جاری کئے ہیں جبکہ دیگر مسائل کے حل کے لئے سائلین کو اسسٹنٹ کمشنر آفس طلب کیا ہے تاکہ جلد از جلد ان کے مسائل کے حل کیلئے اقدامات کئے جائیں۔