نائیجرکی جامعہ نے گورنرسندھ کامران خان ٹیسوری کو اعزازی ڈاکٹریٹ کی ڈگری دیدی

کراچی (اُردو پوائنٹ اخبارتازہ ترین - این این آئی۔ 10 اگست2024ء) گورنر سندھ/چانسلر کامران خان ٹیسوری کی زیر صدارت گورنر ہائوس میں بقائی میڈیکل یونیورسٹی کا خصوصی کانووکیشن کا انعقاد کیا گیا۔ تقریب میں مختلف ممالک کے قونصل جنرل، وائس چانسلرز، معروف صنعت کار، تاجر، عمائدین شہر سمیت دیگر بھی شریک تھے۔ گورنر سندھ نے نمایاں خدمات پر اہم شخصیات کو ڈاکٹریٹ کی ڈگریاں دیں۔

گورنر سندھ محمد کامران خان ٹیسوری کوThe Mehmood Kaat International University Nigerکی جانب سے اعزازی ڈاکٹریٹ کی ڈگری، یونیورسٹی کے ریکٹر ڈاکٹر ابراہیم نے پیش کی۔ گورنر سندھ کامران خان ٹیسوری نے پاکستان کے سفیر برائے نائیجر ڈاکٹر احمد علی سیروہی کو پاکستان کی تصویر کو نائیجر میں کم وسائل کے باوجود عوامی اور اقتصادی سفارتکاری کے ذریعہ اجاگر کرنے پر گولڈ میڈل سے نوازا۔

(جاری ہے)

گورنر سندھ کامران خان ٹیسوری اور بقائی یونیورسٹی کے چانسلر نے معروف صنعتکاروں اور کاروباری شخصیات ریحان مہتاب چاولہ اور ملک شہباز کو کاروبار اور برآمدات کے شعبہ میں ان کی شاندار کارکردگی پر اعزازی ڈاکٹریٹ ڈگریاں بھی پیش کیں جبکہ قونصل جنرل ترکیہ کیمل سانگوCemal Sangu، قونصل جنرل قطر نائف شاہین آر ایم السلیطیںNayef Shahein R.M Sulaitiکو شاندار سفارت کاری پر ڈگری دی۔

اس موقع پر گورنر سندھ کامران خان ٹیسوری اور بقائی میڈیکل یونیورسٹی کے چانسلر ڈاکٹر شعیب بقائی نے دیگر ممتاز شخصیات کو ان کی کارکردگی کے اعتراف میں گولڈ میڈلز سے نوازا۔ گورنر سندھ نے اعزازی ڈگری حاصل کرنے والی تمام شخصیات کو مبارکباد پیش کرتے ہوئے امید ظاہر کی کہ آئندہ بھی اسی طرح اپنی خدمات کو جاری رکھیں گے۔