ڈاکٹر محمد طاہر القادری کی ورلڈ ریکارڈ ہولڈرارشد ندیم کومبارکباد

ارشد ندیم ایک باصلاحیت اور مایہ ناز اتھلیٹ ہیں:ڈاکٹر طاہر القادری

ہفتہ 10 اگست 2024 20:14

ڈاکٹر محمد طاہر القادری کی ورلڈ ریکارڈ ہولڈرارشد ندیم کومبارکباد

لاہور (اُردو پوائنٹ اخبارتازہ ترین - آن لائن۔ 10 اگست2024ء) بانی و سرپرست تحریک منہاج القرآن شیخ الاسلام ڈاکٹر محمد طاہر القادری نے کہا ہے کہ پاکستان کے ایتھلیٹ اور قومی ہیرو ارشد ندیم نے پاکستان کو جیولین تھرو کے مقابلے میں گولڈ میڈل دلواتے ہوئے اولمپکس کی118سالہ تاریخ بدل دی ہے۔ارشد ندیم کی محنت اور لگن قابل ستائش ہے۔ایسے نوجوان ملک کا فخر ہیں۔

(جاری ہے)

ڈاکٹر طاہر القادری نے کہاکہ شاندار کامیابی ارشد ندیم کی محنت اور غیر متزلزل لگن کا نتیجہ ہے۔ارشد ندیم ایک باصلاحیت اور مایہ ناز اتھلیٹ ہیں انہوں نے عمدہ کھیل کا مظاہرہ کرتے ہوئے گولڈ میڈل جیتا ہے ۔انہوں نے کہاکہ اللہ تعالیٰ ارشد ندیم کو مستقبل میں مزید کامیابیوں سے نوازے اور وہ اسی طرح ملک کا نام روشن کرتے رہیں۔دریں اثنا منہاج القرآن انٹرنیشنل فرانس کے سینئر رہنمائوں محمد نعیم چوہدری اور قاضی ہارون نے ورلڈ ریکارڈ ہولڈر ارشد ندیم سے ملاقات کی اور شیخ الاسلام ڈاکٹر محمد طاہر القادری کی جانب سے مبارکباد کا پیغام پہنچایا۔