ں*خدارا ہوش کے ناخن لیں، بانی پی ٹی آئی کو عوام کے بیچ آنے دیا جائے‘علی محمد خان

، کل تاجر برادری کا احتجاج ہوا لیکن ان کا پورا زور پی ٹی آئی کو مینج کرنے پر لگا ہے‘ اڈیالہ جیل کے باہر میڈیا سے گفتگو

جمعرات 29 اگست 2024 20:00

Yراولپنڈی(اُردو پوائنٹ اخبارتازہ ترین - آن لائن۔ 29 اگست2024ء) پاکستان تحریک انصاف (پی ٹی آئی) کے رہنما علی محمد خان نے کہا ہے کہ کل تاجر برادری کا احتجاج ہوا لیکن ان کا پورا زور پی ٹی آئی کو مینج کرنے پر لگا ہے۔ راولپنڈی میں اڈیالہ جیل کے باہر میڈیا سے گفتگو کرتے ہوئے علی محمد خان نے کہا کہ خدارا ہوش کے ناخن لیں، بانی پی ٹی آئی کو عوام کے بیچ آنے دیا جائے۔

(جاری ہے)

انھوں نے کہا کہ شاہ محمود قریشی نے ریمنڈ ڈیوس کے معاملے پر کمپرومائز نہیں کیا تھا۔ امن و امان ہو یا خارجہ پالیسی، ملک کا کیا حال ہوگیا ہے۔ ملک اور اداروں کے بیچ میں ایک تعلق کی ضرورت ہے۔ انھوں نے کہا کہ عہدے پیارے ہوتے تو اس اڈیالہ میں عہدوں کی آفر ہوئی تھی لیکن ٹھکرا دی۔ علی محمد خان نے مزید کہا کہ جب تک بانی پی ٹی آئی باہر نہیں آئیں گے مسائل حل نہیں ہوں گے۔