محکمہ موسمیات کی کل فیصل آباد سمیت مختلف شہروں میں بارشوں کی پیش گوئی

منگل 3 ستمبر 2024 13:59

فیصل آباد (اُردو پوائنٹ اخبارتازہ ترین - اے پی پی۔ 03 ستمبر2024ء) محکمہ موسمیات نے آج بدھ4 ستمبر کوفیصل آباد سمیت مختلف شہروں میں بارشوں کی پیش گوئی کی ہے۔

(جاری ہے)

محکمہ کے ترجمان نے بتایا کہ آج 4 ستمبر کوفیصل آباد، جھنگ، ٹوبہ ٹیک سنگھ، چنیوٹ،اسلام آباد، راولپنڈی، منڈی بہاؤالدین، نارووال، لاہور، سیالکوٹ، شیخوپورہ، خانیوال، ملتان، سرگودھا، رحیم یار خان، خوشاب، کوٹ ادو، خطہ پوٹھوہار، ڈیرہ غازیخان، گوجرانوالہ، گجرات، لیہ، بہاولپور، مری، بہاولنگر، پاکپتن، قصور، گلیات، میانوالی، خانپور، حافظ آباد، ساہیوال، بھکراور سمیت گردو نواح کے علاقوں میں کہیں تیز، کہیں درمیانی بارشیں ہو سکتی ہیں۔

انہوں نے کہا کہ اس دوران موسلا دھار بارشوں کے باعث نشیبی علاقوں میں پانی کھڑا ہونے کابھی خدشہ ہے۔انہوں نے کہا کہ سیاح اس دوران سفر کیلئے احتیاطی تدابیراپنائیں،پانی کے بہاؤ کا جائزہ لیں کیونکہ پہاڑی علاقوں میں بارش کے باعث لینڈ سلائیڈنگ اور سیلاب کا خطرہ ہو سکتا ہے لہٰذاشہری سفر سے پہلے موسم کی تفصیلات معلوم کریں۔