بلاول بھٹو زرداری سے این اے 171 کے ضمنی انتخاب میں کامیاب ہونے والے مخدوم طاہر رشید الدین کی ملاقات

جمعہ 13 ستمبر 2024 21:53

اسلام آباد (اُردو پوائنٹ اخبارتازہ ترین - این این آئی۔ 13 ستمبر2024ء) چیئر مین پی پی پی بلاول بھٹو زرداری سے این اے 171 کے ضمنی انتخابات میں کامیاب ہونے والے جیالے امیدوار مخدوم طاہر رشیدالدین نے ملاقات کی جس میں بلاول بھٹو زرداری نے این اے 171 کے ضمنی انتخابات میں کامیاب ہونے والے جیالے مخدوم طاہر رشیدالدین کو مبارک باد دی۔

(جاری ہے)

چیئرمین بلاول بھٹو زرداری نے مخدوم طاہر رشیدالدین سے مکالمہ کیاکہ رحیم یار خان میں ووٹرز اور سپورٹرز سے ملاقات کرکے میری جانب سے اظہار تشکر کریں۔

بلاول بھٹو زر داری نے کہاکہ پاکستان پیپلزپارٹی کے جیالے کی رحیم یار خان کے ضمنی انتخابات میں واضح برتری سے کامیابی، باوقار سیاست کی فتح ہے۔ انہوںنے کہاکہ رحیم یار خان کے عوام نے گالم گلوچ، بدتہذیبی اور یوٹرن کی سیاست کو مسترد کرکے پاکستان پیپلزپارٹی پر اعتماد کا اظہار کیا ہے۔بلاول بھٹو زرداری نے کامیاب ہونے والے جیالے امیدوار کو ہدایت کی کہ رحیم یار خان کے عوام کے مسائل کے حل میں کوئی کوتاہی نہ برتی جائے۔