سعودی عرب، موسلا دھار بارشوں کا الرٹ جاری

متعدد علاقے منگل تک موسلا دھار بارشوں کی زد میں رہیں گے،محکمہ موسمیات

ہفتہ 14 ستمبر 2024 15:11

سعودی عرب، موسلا دھار بارشوں کا الرٹ جاری

ریاض(اُردو پوائنٹ اخبارتازہ ترین - این این آئی۔ 14 ستمبر2024ء) سعودی عرب کے قومی مرکز برائے موسمیات نے کہا ہے کہ مکہ مکرمہ ریجن کے متعدد علاقے منگل تک موسلا دھار بارشوں کی زد میں رہیں گے۔

(جاری ہے)

سعودی خبر رساں ادارے کی رپورٹ کے مطابق مکہ ریجن کے علاقوں طائف، اضم اور العرضیات میں گرج چمک کے ساتھ موسلا دھار بارشوں کی توقع ہے۔سعودی محکمہ شہری دفاع کی جانب سے لوگوں کو احتیاطی تدابیر اختیار کرنے کا مشورہ دیا گیا ہے، کہ محفوظ مقامات پر رہیں، سیلابی مراکز، وادیوں اور نشیبی مقامات کی طرف نہ جائیں۔بیان میں مزید کہا گیا ہے کہ بارش کے دوران میڈیا اور سوشل نیٹ ورکنگ سائٹس کے ذریعے دی جانے والی ہدایات پر عمل کریں۔