کوئی قانون سازی جو فرد واحد کیلئے ہو وہ نہیں مانیں گے،اسد قیصر

یہ افسوسناک ہے کہ چھپ کر آئینی پیکیج اور ترامیم لا رہے ہیں، پی ٹی آئی رہنما کی میڈیا سے گفتگو

ہفتہ 14 ستمبر 2024 22:24

کوئی قانون سازی جو فرد واحد کیلئے ہو وہ نہیں مانیں گے،اسد قیصر

اسلام آباد (اُردو پوائنٹ اخبارتازہ ترین - این این آئی۔ 14 ستمبر2024ء) پاکستان تحریک انصاف کے رہنما اسد قیصر نے کہا ہے کہ کوئی قانون سازی جو فرد واحد کیلئے ہو وہ نہیں مانیں گے، ابھی تک آئینی ترمیم یا پیکیج کی تفصیلات سامنے نہیں آئی ہیں۔آئینی ترامیم پر پارلیمنٹ میں میڈیا سے گفتگو کرتے ہوئے اسد قیصر نے کہا کہ یہ افسوسناک ہے کہ چھپ کر آئینی پیکیج اور ترامیم لا رہے ہیں۔

(جاری ہے)

انہوں نے کہا کہ غیرآئینی ترامیم کی جا رہی ہیں وہ بھی چپکے سے کر رہے ہیں، ایوان میں باقاعدہ لے کر آئیں، اس پر بحث ہو تاکہ علم ہوکہ اس میں کیا ہے۔اسد قیصر نے کہا کہ چاہتے ہیں پارلیمان مضبوط ہو، اس پر کوئی تجویز آئی تو مشاورت کریں گے۔پی ٹی آئی کے رہنما نے کہا کہ ہمارے ممبران اسمبلی کو اغواء کر کے زور و ذر سے قانون سازی کی جا رہی ہے۔انہوںنے کہاکہ ہمیں دشواری ہوئی تو سارے فیصلے روڈ پر ہوں گے۔