ملک میں تقریباً تین کروڑ دس لاکھ افراد مختلف شکلوں میں تمباکواستعمال کرتے ہیں، اے آر آئی

اتوار 15 ستمبر 2024 10:40

مکوآنہ (اُردو پوائنٹ اخبارتازہ ترین - این این آئی۔ 15 ستمبر2024ء) آلٹرنیٹیو ریسرچ انیشیٹیو (اے آر آئی) کے پروجیکٹ ڈائریکٹر ارشد علی سید نے کہا ہے کہ اس وقت ملک میں تقریباً تین کروڑ دس لاکھ افراد مختلف شکلوں میں تمباکواستعمال کرتے ہیں۔

(جاری ہے)

تمباکونوشی پاکستان میں صحت کا بڑا مسئلہ ہے جس سے کینسر، دل اور پھیپھڑوں سمیت مختلف بیماریاں پیدا ہوتی ہیں۔ تمباکو کے استعمال کا مالی اور معاشرتی نقصان بھی بہت زیادہ ہے، پاکستان میں تمباکو نوشی سے ہرسال تقریباً ایک لاکھ ساٹھ ہزار (160,000) اموات ہوتی ہیں۔انہوں نے کہا کہ ایک جامع حکمت عملی تمباکونوشی ترک کرنے میں مدد کرسکتی ہے۔