وزیراعلی سندھ سے 13 ڈاکوؤں کی گرفتاری پر انعام رکھنے کی سفارش

خیر محمد تیغانی پر 70 لاکھ، دادو شیخ پر 30 لاکھ روپے، شکور بروہی اور مرچو جتوئی پر 20، 20 لاکھ انعام رکھنے کی سفارش

بدھ 18 ستمبر 2024 16:57

وزیراعلی سندھ سے 13 ڈاکوؤں کی گرفتاری پر انعام رکھنے کی سفارش

کراچی(اُردو پوائنٹ اخبارتازہ ترین - این این آئی۔ 18 ستمبر2024ء) محکمہ داخلہ سندھ نے وزیراعلی مراد علی شاہ سے 13 ڈاکوؤں کو زندہ یا مردہ گرفتار کرنے پر نقد انعام رکھنے کی سفارش کردی۔محکمہ داخلہ سندھ نے کاونٹر ٹیررازم ڈیپارٹمنٹ (سی ٹی ڈی)کے خط پر وزیراعلی کو انعام رکھنے کی سمری ارسال کی ہے۔

(جاری ہے)

محکمہ داخلہ سندھ نے خیر محمد تیغانی پر 70 لاکھ، دادو شیخ پر 30 لاکھ روپے، شکور بروہی اور مرچو جتوئی پر 20، 20 لاکھ انعام رکھنے کی سفارش کی ہے۔

وزیراعلی سندھ سے کبیر جتوئی پر 15 لاکھ، ابراہیم مارفانی، مرید جتوئی، چاکر بروہی، لطیف رند پر 10، 10 لاکھ روپے انعام کی سفارش کی گئی ہے۔محکمہ داخلہ سندھ نے منور بروہی، سلطان رند پر 5، 5 لاکھ جبکہ بھورو بروہی اور عطا محمد مری پر 3، 3 لاکھ انعام رکھنے کی سفارش کی ہے۔وزیراعلی سندھ کی منظوری کے بعد ان ڈاکووں کی زندہ یا مردہ گرفتاری پر انعام کا نوٹیفکیشن جاری کیا جائے گا۔