بلاول بھٹو ملک کی امیدوں کا مرکز ہیں، مرتضی وہاب کی ترجمان چیئرمین بلاول بھٹو تعیناتی احسن اقدام ہے، شہنیلہ خانزاہ

فوزیہ وہاب مرتے دم تک بے نظیر بھٹو کے ساتھ رہیں، مرتضی وہاب بھی اپنی والدہ کی پرچھائیں ہیں، میئر کراچی کو مبارکباد پیش کرتی ہوں،رہنما پیپلزپارٹی

جمعہ 20 ستمبر 2024 14:20

کراچی(اُردو پوائنٹ اخبارتازہ ترین - این این آئی۔ 20 ستمبر2024ء) پیپلز پارٹی کی رہنما شہنیلہ خانزادہ نے کہا ہے کہ بلاول بھٹو ملک کی امیدوں کا مرکز ہیں ۔ مرتضی وہاب کی ترجمان چیئرمین بلاول بھٹو تعیناتی احسن اقدام ہے۔ فوزیہ وہاب مرتے دم تک بے نظیر بھٹو کے ساتھ رہیں ۔ مرتضی وہاب بھی اپنی والدہ کی پرچھائیں ہیں۔ میئر کراچی کو مبارکباد پیش کرتی ہوں۔

کراچی کے عوام کراچی کو بدلتا دیکھیں گے۔ مرتضی وہاب نے کراچی کا مقدمہ جیت لیا۔ بلاول بھٹو کراچی کے اصل وارث ہیں ۔وفاقی حکومت بھی چیئرمین بلاول بھٹو کی صلاحیتوں کی معترف ہوگئی وہ سیاسی جمود توڑ رہے ہیں ۔ پیپلز پارٹی جمہوریت کا وہ پہیہ ہے جو قیام سے ابتک ملک کو آمریت کے زہر سے نکالنے میں تریاق کا کام کرتی رہی ہے۔

(جاری ہے)

بیرسٹر مرتجی وہاب جوان اور سیاسی بصیرت کے ساتھ ساتھ چیئرمین کے ویژن کو جانتے ہیں ۔

ملک اور کراچی کے نصیب کھلیں گے۔ کراچی کی سڑکیں اور انفرا اسٹرکچر اب درست ہونے جا رہا ہے۔ مخالفین دیکھتے رہ جائیں گے۔ پیپلز پارٹی چھوڑ کر جانے والے سیاسی مبصر بن کر تجزیے کرتے ہیں وہ بلاول بھٹو کی سوچ کو چھو بھی نہیں سکتے۔ شہیدوں کا لہو چیئرمین کی رگوں میں ہے۔ وہی ملک کو سیاسی بصیرت سے بحران سے نکالیں گے ۔ تاریخ کا مورخ آصف علی زرداری کے شہید بھٹو کے ریفرنس اور سپریم کورٹ بالخصوص قاضی فائز عیسی جیسے جانباز ججز اور بلاول بھٹو کی جمہوری اور سچ پر مبنی تقاریر کو آئینہ دکھاتا رہے گا۔ مرتضی وہاب کو سلام تحسین پیش کرتے ہیں ۔ امید کرتے ہیں انکی صلاحیتیں پارٹی اور کراچی کے عوام کو این نئی جدت اور بیٹر کراچی فراہم کریں گے۔