ایبٹ آباد تعلیمی بورڈ نے ایف اے/ایف ایس سی کے سالانہ دوئم امتحانات 2024 کا شیڈول جاری کر دیا

ایبٹ آباد (اُردو پوائنٹ اخبارتازہ ترین - اے پی پی۔ 01 اکتوبر2024ء) بورڈ آف انٹرمیڈیٹ اینڈ سیکنڈری ایجوکیشن ایبٹ آبادنےایف اے/ایف ایس سی پارٹI اور پارٹII کے سالانہ دوئم امتحانات 2024 کا شیڈول جاری کر دیا ہے۔امتحانات جمعرات14 نومبر 2024 سے شروع ہوں گے۔ کنٹرولر امتحانات نےتمام رجسٹرڈ تعلیمی اداروں کو ہدایت دی ہے کہ وہ اپنے طلبہ کے داخلہ فارم آن لائن ایڈمیشن موڈول کے ذریعے بورڈ کی ویب سائٹ www.biseatd.edu.pk پر جمع کروائیں۔

طلباء فارم کے ساتھ ایک تصدیق شدہ پاسپورٹ سائز تصویر (1.25x1.5 انچ) چسپاں کریں۔داخلہ فارم جمع کروانے کی آخری تاریخ نارمل فیس کے ساتھ 15 اکتوبر 2024 ہے، جبکہ ڈبل فیس کے ساتھ 22 اکتوبر 2024 اور ٹرپل فیس کے ساتھ 29 اکتوبر 2024 مقرر کی گئی ہے۔ ریگولر اور پرائیویٹ طلباء کے لیے پارٹ-I کی نارمل فیس 2200 روپے، ڈبل فیس 3400 روپے، اور ٹرپل فیس 4600 روپے ہوگی۔

(جاری ہے)

پارٹ-II کی نارمل فیس 2500 روپے، ڈبل فیس 3700 روپے، اور ٹرپل فیس 4900 روپے رکھی گئی ہے۔نمبروں کی بہتری کے لیے فیس کی تفصیلات بھی فراہم کی گئی ہیں۔ ایک، دو یا تین مضامین میں مارکس کی بہتری کے لیے نارمل فیس 2500 روپے، ڈبل فیس 3700 روپے، اور ٹرپل فیس 4900 روپے ہے۔ چار سے سات مضامین میں فیس نارمل 3000 روپے، ڈبل 4500 روپے، اور ٹرپل 6000 روپے ہوگی۔ جبکہ سات سے زائد مضامین میں نارمل فیس 3500 روپے، ڈبل فیس 5000 روپے، اور ٹرپل فیس 6500 روپے مقرر کی گئی ہے۔

امتحانی سنٹر کی تخلیق کی فیس 80,000 روپے، گزٹ فیس 500 روپے، امتحانی سنٹر کی تبدیلی کی فیس 5,000 روپے اور رائٹر/امانوئنس کی فیس 3,000 روپے رکھی گئی ہے۔تمام طلباءکو ہدایت کی گئی ہے کہ وہ اپنے داخلہ فارم 29 اکتوبر 2024 کی آخری تاریخ سے قبل جمع کروائیں، کیونکہ اس تاریخ کے بعد کوئی فارم قبول نہیں کیا جائے گا، چاہے وہ بذریعہ ڈاک بھیجا جائے یا ہاتھ سے جمع کروایا جائے۔ مزید معلومات کے لیے طلباء کو بورڈ کی ویب سائٹ وزٹ کرنے یا 0992-390159 پر رابطہ کرنے کی ہدایت کی گئی ہے۔