تعلیمی بورڈ راولپنڈی نے انٹر میڈیٹ پارٹ ون (گیارہویں) کے نتائج کا اعلان کر دیا

منگل 1 اکتوبر 2024 20:10

راولپنڈی (اُردو پوائنٹ اخبارتازہ ترین - اے پی پی۔ 01 اکتوبر2024ء) بورڈ آف انٹر میڈیٹ اینڈسیکنڈری ایجوکیشن راولپنڈی نے امتحان انٹر میڈیٹ پارٹ ون (گیارہویں) 2024 کے نتائج کا اعلان کر دیا۔ نتائج کا اعلان کانفرنس روم میں صبح 10بجے کیا گیا جس میں چیئرمین تعلیمی بورڈ، راولپنڈی محمد عدنان خان،سیکرٹری بورڈ پروفیسر آصف حسین، کنٹرولر امتحانات تنویر اصغر اعوان اور بورڈ افسران نے شرکت کی۔

چیئرمین تعلیمی بورڈ، راولپنڈی محمد عدنان خان اور کنٹرولر امتحانات تنویر اصغر اعوان نے مشترکہ اعلامیہ جاری کرتے ہوئے کہا کہ امتحان انٹرمیڈیٹ پارٹ ون 2024 میں 61104اُمیدواران نے داخلہ بھجوایا۔59710اُمیدواران شاملِ امتحان ہوئے۔23906اُمیدواران مذکورہ امتحان میں کامیاب ہوئے۔ اس طرح کامیابی کا تناسب 40.04رہا۔

(جاری ہے)

35804اُمیدواران فیل ہوئے۔ 1319اُمیدواران غیر حاضر رہے۔

تقریب سے خطاب کرتے ہوئے چیئرمین تعلیمی بورڈ، راولپنڈی محمد عدنان خان نے کہا کہ کنٹرولر امتحانات اور اُن کی پوری ٹیم کامیاب امتحانات کے انعقاد اور بروقت نتائج کی اشاعت پر مبارکباد کے مستحق ہیں۔ جس محنت اور لگن سے تمام افسران و ملازمین نے دن رات ایک کر کے اپنی ڈیوٹی بااحسن طریقے سے سرانجام دی ہے وہ قابلِ ستائش ہے۔ میں اُمید کرتا ہوں کہ تمام افسران وملازمین اپنی ڈیوٹی اسی انداز میں ادا کریں گے۔

ادارے کی نیک نامی اور کامیابی کیلئے ہم سب کو مل کر جدوجہد کرنی چاہیے۔ جو کہ ہم سب کی ذمہ داری بھی بنتی ہے۔ پنجاب کے بورڈز میں تعلیمی بورڈ، راولپنڈی کو نمایاں مقام حاصل ہے اور میری پوری کوشش ہو گی کہ آمدہ امتحان میں بھی سیکرٹری بورڈ، پروفیسر آصف حسین، کنٹرولر امتحانات تنویر اصغر اعوان، بورڈ افسران و ملازمین اپنی اپنی ذمہ داریاں بخوبی انداز میں نبھائیں گے۔\378

Facebook Twitter Google + Share on Whatsapp

تعلیمی بورڈ راولپنڈی نے انٹر میڈیٹ پارٹ ون (گیارہویں) کے نتائج کا اعلان کر دیا

متعلقہ عنوان :

مزید تعلیم کی خبریں