گوجرانوالہ تعلیمی بورڈ نے انٹرمیڈیٹ پارٹ ون کے نتائج کا اعلان کر دیا ،کامیابی کی شرح تناسب 51.81فیصد رہی

گوجرانوالہ (اُردو پوائنٹ اخبارتازہ ترین - اے پی پی۔ 01 اکتوبر2024ء) بورڈ آف انٹرمیڈ یٹ اینڈ سکینڈری ایجوکیشن گوجرانوالہ کے زیر اہتمام منعقد ہ امتحان انٹرمیڈیٹ پارٹ ون پہلاسالانہ2024 کے نتائج کا اعلان کر دیا گیا ۔چیئرمین بورڈ و کمشنر گوجرانوالہ سید نوید حیدر شیرازی، پروفیسرمحمد نعیم بٹ کنٹرولر امتحانات اور پروفیسر گوہر الطاف سیکرٹری بورڈ نے ایک پریس بریفنگ میں بتایا کہ امتحان میں مجموعی طور پر131397امیدوارشامل ہوئے جن میں سے68071کامیاب قرار پائے اور شرح تناسب 51.81فیصد رہی۔

پری میڈیکل گروپ بوائز میں 5792اور گرلز22204امیدواران نے شرکت کی جن میں سے 3221 اور 15238کامیاب قرار پائے۔ اس طرح ان کی شرح تناسب بالترتیب 57.61اور68.63فیصد رہی۔ پری انجینئرنگ گروپ بوائز میں 3123اور گرلز2889امیدواروں نے شرکت کی جن میں سے2184اور2313کامیاب قرار پائے۔

(جاری ہے)

اس طرح ان کی شرح تناسب بالترتیب 69.93اور80.06فیصد رہی۔ جنرل سائنس گروپ بوائز میں 17517اور گرلز 20091امیدواران نے شرکت کی جن میں سے 7402اور13507کامیاب قرار پائے۔

اس طرح ان کی شرح تناسب بالترتیب42.26اور67.23فیصد رہی۔ کامرس گروپ بوائزمیں 5252اورگرلز5098امیدواران نے شرکت کی جن میں سے1679اور3539کامیاب قرار پائے۔ اس طرح شرح تناسب بالترتیب32.00اور69.42فیصد رہی۔ ہیومینٹیزگروپ بوائز میں 14458اور گرلز 34973امیدواران نے شرکت کی جن میں سے 2178اور 16810کامیاب قرار پائے۔ اس طرح ان کی شرح تناسب بالترتیب 15.10اور48.10 فیصد رہی۔

چیئرمین بورڈسید نوید حیدر شیرازی نے بتایا کہ امتحان کے انعقاد سے لے کر نتائج کی تیاری تک متعلقہ قواعد و ضوابط پرسختی سے عملدرآمد یقینی بنایا ہے۔ امتحانی نظام میں غیر جانبداری اور شفافیت پر کوئی سمجھوتہ نہیں کیا گیا۔ داخلہ فارموں کی وصولی، رول نمبر اور سنٹرز کی الاٹمنٹ آٹومیشن سسٹم کے ذریعے سے کی گئی۔ ادارہ جات کی جانب سے بھجوائی گئی امیدواران کی ترتیب کو ختم کیا گیااور ایک زون کے اندر جملہ ادارہ جات کے امیدواران کو اس زون میں قائم کردہ امتحانی مراکز اورلیبارٹریز میں یکساں تقسیم کرکے بٹھایا گیا۔

امتحانی مراکز کی مانیٹرنگ کیلئے ٹیمیں تشکیل دی گئیں۔ دورانِ امتحان بورڈ کو جو بھی شکایت ملی اس کا فوری طور پر ازالہ کیا گیا۔ باایں ہمہ نتائج کی تیاری میں بھی بورڈ نے اپنے تمام تر وسائل کو استعمال میں لاتے ہوئے مستند اور اغلاط سے پاک رزلٹ تیار کروایا ہے۔\378