مریم نواز کا نابینا افرا دکے احتجاج کا نوٹس، کسی قسم کی سختی نہ کرنے کا حکم

منگل 1 اکتوبر 2024 23:50

لاہور (اُردو پوائنٹ اخبارتازہ ترین - اے پی پی۔ 01 اکتوبر2024ء) وزیراعلی پنجاب مریم نواز نے نابینا افراد کے احتجاج پر نوٹس لے لیا۔وزیر اعلی پنجاب نے نابینا افرا د سے کسی قسم کی سختی نہ کرنیکا حکم دیا۔ انہوںنے چیف سیکرٹری پنجاب زاہد اختر زمان کو نابینا افراد سے بات چیت کرکے مسائل حل کرنے کی ہدایت کی۔

(جاری ہے)

وزیراعلی نے نابینا افراد کے تشدد سے زخمی پولیس اہلکاروں سے ہمدردی کا اظہار کیا۔

پولیس کے سرپھاڑنے کے باوجودوزیراعلی مریم نوازنے نابینا افراد کے ساتھ تحمل سے پیش آنے کی ہدایت کی۔انہوں نے پولیس کو ہدایت کی کہ سپیشل پرسنز ہیں، ان کے مسائل کا ہمیں احساس ہے، تحمل کا مظاہرہ کریں۔نابینا افراد لاہور فیصل چوک میں اپنے مطالبات کے حق میں دھرنا دئیے ہوئے ہیں۔ نابینا افراد نے سڑک واگزارکرانے کی کوشش پر پولیس اہلکاروں پر تشدد کیا۔