پاکستان مسلم لیگ ق کے رہنما چوہدری عکاظ ضیا متہ آف سوک کلاں کے خلاف زنا کا مقدمہ درج

تھانہ سول لائن پولیس نے ملزم کی گرفتاری کےلیے چھاپہ مار ٹیمیں تشکیل دے دی ہیں، ملزم کتنا ہی بااثر کیوں نہ ہو قانون کی گرفت سے نہیں بچ سکتا: ڈی پی او گجرات

جمعہ 4 اکتوبر 2024 17:31

گجرات ( اُردو پوائنٹ اخبارتازہ ترین۔ 04 اکتوبر 2024ء ) پاکستان مسلم لیگ ق کے رہنما ،ممبر بورڈ آف ڈائریکٹر گجرات ویسٹ منیجمنٹ کمپنی و امیدوار برائے چئیرمین یوسی سوک کلاں چوہدری عکاظ ضیا متہ کے خلاف تھانہ سول لائن میں دوست کی بہن سے زنا کرنے کا مقدمہ درج پولیس نے ملزم کی گرفتاری کےلیے ٹیمیں تشکیل دے دی۔

(جاری ہے)

محلہ سپال کالونی گجرات کی رہائشی مسمات اقرا بٹ نے تھانہ سول لائن میں مقدمہ درج کرواتے ہوئے موقف اختیار کیا کہ ملزم عکاظ ضیا متہ سکنہ سوک کلاں میرے بھائی کا دوست تھا اکثر ہمارے گھر آتا رہتا تھا جس کی میرے ساتھ دوستی ہوگی مجھے شادی کا جھانسہ دے کر میرے ساتھ مختلف اوقات میں میرے ساتھ زنا و حرام کاری کرتا رہا اب نکاح کرنے سے انکاری ہوگیا ہے تھانہ سول لائن پولیس نے متاثرہ خاتون کی مدعیت میں ایف آئی آر نمبر 972/24 درج کرلی ہے