حاصل پور میں آئینی ترمیم کے حق میں سٹوڈنٹ تحریک کی ریلی

شرکاء کا ملک میں انصاف اور قانون کی بالادستی کو فروغ دینے کا مطالبہ

جمعرات 10 اکتوبر 2024 22:27

حاصل پور(اُردو پوائنٹ اخبارتازہ ترین - آن لائن۔ 10 اکتوبر2024ء) حاصل پور میں آئینی ترمیم کے حق میں سٹوڈنٹ تحریک کی ریلی، آئینی ترمیم کا نفاذ فوری طور پر یقینی بنایا جائے، شرکاء کا ملک میں انصاف اور قانون کی بالادستی کو فروغ دینے کا مطالبہ ، شرکاء نے آئینی عدالتوں کے قیام اور آئینی ترمیم کی حمایت میں نعرے لگائے اور پلے کارڈ بھی اٹھا رکھے تھے۔

(جاری ہے)

اسٹوڈنٹ تحریک حاصل پور اور سویل سوسائٹی حاصل پور نے آئینی عدالتوں کے قیام اور آئینی ترمیم کے حق میں ریلی نکالی ، مظاہرین نے شہر کی مرکزی شاہراہ پر قائم پریس کلب میں ریلی نکالی اور حکومت سے مطالبہ کیا کہ آئینی ترمیم کا نفاذ فوری طور پر یقینی بنایا جائے ، شرکاء نے ملک میں انصاف اور قانون کی بالادستی کو فروغ دینے کا مطالبہ کیا، شرکائ نے آئینی عدالتوں کے قیام اور آئینی ترمیم کی حمایت میں نعرے لگائے اور پلے کارڈ بھی اٹھا رکھے تھے، شرکاء کا یہ بھی کہنا تھا کہ آئینی ترمیم اور آئینی عدالتوں کا قیام روشن پاکستان کے لیے ضروری ہے، انہوں نے مزید کہا کہ آئینی ترامیم سے ملک کی بہتری اور قانون کی بالادستی کو یقینی بنایا جا سکتا ہے۔