کمشنر رخشان ڈویژن مجیب الرحمٰن قمبرانی کا ضلع نوشکی کا تفصیلی دورہ کیا، ترقیاتی منصوبوں کا معائنہ کیا

بدھ 23 اکتوبر 2024 22:00

کوئٹہ (اُردو پوائنٹ اخبارتازہ ترین - اے پی پی۔ 23 اکتوبر2024ء) کمشنر رخشان ڈویژن مجیب الرحمٰن قمبرانی نے ضلع نوشکی کا تفصیلی دورہ کیا۔ انہوں نے نوشکی میں ٹیچنگ ہسپتال، کووڈ پروجیکٹس ،زیر تعمیر نئے ہسپتال ، کیڈٹ کالج، گرلز کالج، سپورٹس کمپلیکس ، نوشکی بائی پاس روڈ بدل کاریز روڈ سمیت مختلف ترقیاتی منصوبوں کا معائنہ کیا ۔ کمشنر رخشان ڈویژن مجیب الرحمٰن قمبرانی نے ڈپٹی کمشنر نوشکی امجد حسین سومرو کے ہمراہ نوشکی میں میر گل خان نصیر ٹیچنگ ہسپتال نوشکی کا دورہ کیا اور ہسپتال کے مختلف شعبوں کا معائنہ کیا اور کووڈ پروجیکٹس کے تعمیر شدہ ای سی یو اور آکسیجن پلانٹ کا افتتاح کیا۔

اس موقع پر ڈسٹرکٹ ہیلتھ آفیسر نوشکی ڈاکٹر صاحبزادہ فرید احمد ، ڈپٹی ڈی ایچ او ڈاکٹر مشتاق احمد مینگل ، ایم ایس ڈاکٹر ظفر مینگل ، ڈی ایس ایم پی پی ایچ آئی نوشکی سید ہمایوں شاہ موجود تھے ۔

(جاری ہے)

ایم ایس نے ہسپتال کے حوالے سے بریفننگ دی ۔ کمشنر نے نوشکی میں زیر تعمیر 50 بیڈ پر مشتمل ہسپتال کے کام کا معائنہ کیا اور کام کو مقررہ مدت میں مکمل کرنے کی ہدایت کی۔

کمشنر رخشان نے نوشکی سپورٹس کمپلیکس کا معائنہ کیا ۔ ڈسٹرکٹ سپورٹس آفیسر نوشکی صادق مینگل، ایکسیئن بلڈنگ ظہور احمد سیاپاد اور متعلقہ افسران نے سپورٹس کمپلیکس کے حوالے سے بریفننگ دی۔ کمشنر نے گورنمنٹ گرلز کالج نوشکی اور کیڈٹ کالج نوشکی کا بھی دورہ کیا جہاں گرلز کالج اور کیڈٹ کالج کے مختلف شعبوں کا دورہ کیا انہوں نے کیڈٹ کالج میں پودے لگا کر شجر کاری کی، کمشنر مجیب الرحمٰن قمبرانی نے نوشکی میں زیر تعمیر نوشکی بائی پاس روڈ اور بدل کاریز روڈ سمیت دیگر مختلف ترقیاتی منصوبوں کا معائنہ کیا۔

ڈپٹی کمشنر نوشکی امجد حسین سومرو، اسسٹنٹ کمشنر نوشکی ظہور احمد بلوچ، ایکسیئن بی اینڈ ار بلڈنگ ظہور احمد سیاپاد، ایکسیئن بی اینڈ آر روڈ قاضی ثناء اللہ مینگل ودیگر آفیسران نے ڈیپارٹمنٹ اور ترقیاتی منصوبوں سے متعلق تفصیلی بریفننگ دی۔