غ*مدارس دینیہ نے ہر دور میں دین اسلام کی پاسبانی کی ہی: ڈاکٹر اشرف آصف جلالی

جمعرات 24 اکتوبر 2024 22:25

/لاہور (اُردو پوائنٹ اخبارتازہ ترین - آن لائن۔ 24 اکتوبر2024ء) تحریک لبیک یا رسول اللہ صلی اللہ علیک وسلم و تحریک صراط مستقیم کے زیر اہتمام مرکز اہل سنت دار العلوم شمس المدارس حنفیہ رضویہ میں سالانہ جلسہ دستارِ فضیلت کا انعقاد کیا گیا۔ جلسہ کا اہتمام استاذ العلماء حضرت علامہ مولانا محمد الیاس علوی نے کیا۔ جلسہ سے خطاب کرتے ہوئے تحریک لبیک یا رسول اللہ صلی اللہ علیک وسلم کے سربراہ اور تحریک صراط مستقیم کے بانی ڈاکٹر محمد اشرف آصف جلالی نے کہاکہ مدارس اور مساجد نے چودہ صدیوں میں ہزاروں طوفانوں کے باوجود دین کی شمع کو بجھنے نہیں دیا۔

مدارس اسلام کا بیس کیمپ ہیں اور دینی علوم کی صحیح تعلیم ہی بیج اٴْگنے فصلیں پکنے اور بارش برسنے کا سب سے بڑا سبب ہے۔ مدارس دینیہ نے ہر دور میں دین اسلام کی پاسبانی کی ہے۔

(جاری ہے)

قرآن و سنت کا پڑھنا پڑھانا اٴْمت کے کارہائے نمایاں میں سے ہے۔ دینی مدارس کے درو دیوار جب آیات قرآن اور فرامین رسولؐ سے گونجتے ہیں تو پورے معاشرے کیلئے رحمتوں کے دروازے کھل جاتے ہیں اور پورے ماحول کو خوش حالی میسر ٖ آتی ہے۔

عوام الناس کی رہنمائی کے لیے قرآن وسنت کے ماہرین علماء ربانی کا وجودمعاشرے میں ازحدضروری ہے۔ سیاہ رات میں منزل تک پہنچنے کے لیے اتنی چراغ کی ضرورت نہیں جتنی سفرزندگی کے نشیب وفراز اورظلمتوں میں علماء حق کی ضرورت ہے۔ اسلام دشمن قوتیں مسلمانوں کوکمزورکرنے کے لیے انہیں قرآن وسنت سے دورکرنے کے ایجنڈے پرگامزن ہیں جبکہ اسلامی قوتوں کی جدوجہدامت مسلمہ کوقرآن وسنت کے قریب کرنے کی ہے۔مدراس دینیہ اس مقصدکے لیے ہمیشہ سے بھرپورکرداراداکرتے آئے ہیں۔ جلسہ میں حضرت مولانا محمد دلدار احمد رضوی، مولانا محمد عنایت اللہ نورانی، مولانا محمد نعمان نورانی سمیت کثیر تعداد میںنعلماء اور عوام نے شرکت کی۔