Live Updates

عمران خان نے نئی احتجاجی کمیٹی بنانے کی ہدایت کی ہے، شیر افضل مروت

وزیراعلیٰ خیبر پختونخوا علی امین گنڈا پور نے احتجاجی حکمت عملی ٹھیک نہیں بنائی، میڈیا سے گفتگو

بدھ 30 اکتوبر 2024 23:14

عمران خان نے نئی احتجاجی کمیٹی بنانے کی ہدایت کی ہے، شیر افضل مروت

راولپنڈی (اُردو پوائنٹ اخبارتازہ ترین - این این آئی۔ 30 اکتوبر2024ء) پاکستان تحریک انصاف رہنما شیر افضل مروت نے کہا ہے کہ وزیراعلیٰ خیبر پختونخوا علی امین گنڈا پور نے احتجاجی حکمت عملی ٹھیک نہیں بنائی، بانی پی ٹی آئی نے کہا کہ اگر ملٹری کورٹس بن جاتے مجھے کوئی فرق نہیں پڑتا۔پی ٹی آئی رہنما شیر افضل مروت نے عمران خان سے اڈیالہ جیل میں ملاقات کرنے کے بعد میڈیا سے گفتگو کرتے ہوئے کہا کہ بانی پی ٹی آئی کو بتایا کہ وزیراعلیٰ خیبر پختونخوا نے احتجاجی حکمت عملی ٹھیک نہیں بنائی، بانی پی ٹی آئی نے کہا کہ اگر ملٹری کورٹس بن جاتے مجھے کوئی فرق نہیں پڑتا۔

شیر افضل مروت نے کہاکہ یہ احتجاج ٹھیک نہیں تھے، وزیراعلیٰ خیبر پختونخوا نے احتجاجی حکمت عملی ٹھیک نہیں بنائی، بانی پی ٹی آئی نے کچھ فیصلے کیے ہیں جو سلمان اکرم راجہ بتائیں گے۔

(جاری ہے)

شیر افضل مروت نے کہا کہ ہمارے ساتھی نے عمران خان کو بتایا کہ مولانا فضل الرحمٰن کی وجہ سے ملٹری کورٹس نہیں بنے، بانی پی ٹی آئی نے کہا کہ اگر ملٹری کورٹس بن بھی جاتے مجھے کوئی فرق نہیں پڑتا۔انہوںنے کہاکہ بانی پی ٹی آئی نے نئی احتجاجی کمیٹی بنانے کی ہدایت کی ہے، میں اس کمیٹی کا حصہ ہوں گا، آگے سردیاں بھی آرہی ہیں اس حوالے سے منصوبہ بندی کریں گے، ایسی حکمت عملی بنائیں گے کہ اگر ایک لیڈر پکڑا جائے تو دوسرا لیڈ کرے۔