Live Updates

مرکزی مسلم لیگ کو روزگارکیلئے ہزاروں درخواستیں موصول

12نومبر کو روزگارسہولت پروگرام میں اہل قرار پانے والے افراد کو ان کا مطلوبہ روزگار فراہم کردیا جائے گا

بدھ 6 نومبر 2024 17:47

مرکزی مسلم لیگ کو روزگارکیلئے ہزاروں درخواستیں موصول

کراچی (اُردو پوائنٹ اخبارتازہ ترین - این این آئی۔ 06 نومبر2024ء) پاکستان مرکزی مسلم لیگ کراچی کے تحت روزگار سہولت پروگرام کیساتویں مرحلے کیلئے ہزاروں شہریوں نے درخواستیں جمع کرادیں ۔ مزید درخواستوں کی وصولی کا سلسلہ روک دیاگیا۔ موصول ہونے والی درخواستوں کی اسکروٹنی کا عمل جاری ہے ۔12نومبر کو روزگار سہولت پروگرام میں اہل قرار پانے والے حضرات کو ان کا مطلوبہ روزگار فراہم کردیاجائے گا۔

مرکزی مسلم لیگ کراچی کے صدراحمدندیم اعوان نے روزگار سہولت پروگرام میں عوام کی دلچسپی کا شکریہ اداکرتے ہوئے کہاکہ روزگارسہولت پروگرام کے ساتویں مرحلیمیں ہماری امیدسے بڑھ کر درخواستیں موصول ہوئیں ۔اس وقت پاکستان کا ہرطبقہ پریشانی کا شکار ہے۔ ملک میں بیروزگاری کی بڑھتی شرح حکمرانوں کی ناقص پالیسیاں ہیں ۔

(جاری ہے)

جن کے سبب معاشی بدحالی ملک و قوم کا مقدر بنی۔

حکمرانوں نے ملکی معیشت کے ساتھ کھلواڑ کیا ۔ جس کا خمیازہ عوام مہنگائی اور بیروزگاری کی صورت میں بھگت رہے ہیں۔احمدندیم اعوان نے کہا کہ پاکستان مرکزی مسلم لیگ نے ہمیشہ اپنی مددآپ کے تحت عوام دوست منصوبے شروع کیے ۔ہم نے مہنگائی کے توڑ کیلیے عوامی سہولت بازار ،سستی سبزی بازار اور سستی روٹی تندور جیسے منصوبے شروع کیے۔بیروزگاری کے خاتمے کیلیے پاکستان مرکزی مسلم لیگ نے روزگار سہولت پروگرام شروع کیا۔

روزگارسہولت کے 6کامیاب پروگرام میں سینکڑوں شہریوں کو ان کا مطلوبہ روزگار فراہم کرچکے ہیں ۔ روزگار پروگرام کیساتویں مرحلے کے لیے موصول ہونے والی درخواستوں کی اسکروٹنی کا عمل جاری ہے۔12نومبر کوایک پروقار تقریب میں روزگارسہولت پروگرام میں اہل قرار پانے والے خوش نصیوں کوان کا مطلوبہ روزگارفراہم کردیں گے۔تاکہ کراچی کے نوجوان باعزت روزگار شروع کرکے اپنے اہل و عیال کی کفالت کرسکیں۔