بولان میڈیکل کالج میں ایک سوچے سمجھے سازش کی تحت حالات خراب کیے گئے ہیں ، وائی ڈی اے

بولان میڈیکل کالج کہ طلبہ تنظیموں کے درمیان پھوٹ ڈالنے والی ضلعی انتظامیہ کی ملی بھگت سے پولیس کے لاٹھی چارج کی شدید مذمت کرتے ہیں

بدھ 13 نومبر 2024 22:29

کوئٹہ(اُردو پوائنٹ اخبارتازہ ترین - آن لائن۔ 13 نومبر2024ء) بولان میڈیکل کالج میں ایک سوچے سمجھے سازش کی تحت حالات خراب کیے گئے ہیں بولان میڈیکل کالج کہ طلبہ تنظیموں کے درمیان پھوٹ ڈالنے والی میں ڈپٹی کمشنر کویٹہ کی سربراہی میں ضلعی انتظامیہ کی ملی بھگت سے پولیس کے لاٹھی چارج کی شدید مذمت کرتے ہیں بلوچستان کے قبائلی رسم و رواج سے نابلد اور ناآشنا ڈپٹی کمشنر کویٹہ کا انتہاء منفی کردار ہے جس کی سربراہی میں ضلعی انتظامیہ نے کل جلتی پر تیل کا کام کیا چار سے چھ گھنٹے جاری رہنے والی لڑائی میں ضلعی انتظامیہ اور پولیس خاموش تماشائی کا کردار ادا کرتی رہی. ضلعی انتظامیہ کی ملی بھگت سے پولیس کی جانب سے کیے گئے لاٹھی چارج کی سخت الفاظ میں مذمت کرتی ہے۔

حالیہ واقعے میں، جب طلبا تنظیموں کے درمیان کشیدگی کو پرامن طریقے سے حل کرنے کی کوشش کی جا رہی تھی، ضلعی انتطامیہ اور پولیس نے اچانک طلبہ پر تشدد شروع کر دیا اور صورتحال کو مزید خراب کر دیا۔

(جاری ہے)

پولیس کی اس غیر انسانی کارروائی کے نتیجے میں سیکڑوں طلبا زخمی ہوئے جبکہ 100 سے زائد بولان میڈیکل کالج کے طلبا کو گرفتار کر لیا گیا۔ طلبہ کے ساتھ ینگ ڈاکٹر ایسوسی ایشن بلوچستان کے ممبرز جو کہ ثالثی کا کردار ادا کرنے ڈاکٹرز کو زخمی اور کچھ کو گرفتار کیا گیاترجمان نے کہا کہ بولان میڈیکل کالج میں طلبہ کے امتحانات جاری ہے ایک سوچی سمجھی سازش کے تحت حالات خراب کر کے ہاسٹل کو بند کیا گیا ضلعی انتظامیہ اور پولیس نے امتحانات کے دنوں میں ہاسٹل کو بند کر کے طلبا کو شدید مشکلات میں ڈال دیا ہے، جس سے ان کی تعلیم اور ذہنی سکون متاثر ہو رہا ہے جس کی وجہ سے طلبہ کو رات گئے ہاسٹل سے نکال دیا گیا ہم مطالبہ کرتے ہیں کہ امتحانات کے دوران طلبا کو ہاسٹل کی سہولیات فراہم کی جائیں تاکہ ان کی تعلیمی سرگرمیاں متاثر نہ ہوں۔

حکومت بلوچستان، وزیراعلی بلوچستان، وزیر صحت وزیر داخلہ سے مطالبہ کرتے ہیں کہ گرفتار طلبا کو فوری رہا کیا جائے۔ طلبہ کے ساتھ گرفتار ینگ ڈاکٹر ایسوسی ایشن بلوچستان کے کارکنوں کو بھی کیا جائے ضلعی انتظامیہ اور پولیس کے کردار کی غیر جانبدار تحقیقات کر کے ذمہ داران کے خلاف سخت کارروائی کی جائے ینگ ڈاکٹرز ایسوسی ایشن بلوچستان حکومت کو متنبہ کرتی ہے کہ اگر فوری طور پر مثر اقدامات نہ کیے گئے تو تنظیم طلبا کے حقوق کے تحفظ کے لیے احتجاجی مہم کا آغاز کیا جائیگا۔