35 ویں اکیڈمک کونسل اجلاس میں پوسٹ گریجویٹ پروگرام کے نصابی خاکے کی منظوری

جمعہ 15 نومبر 2024 22:19

کراچی (اُردو پوائنٹ اخبارتازہ ترین - آن لائن۔ 15 نومبر2024ء) جناح سندھ میڈیکل یونیورسٹی کی اکیڈمک کونسل کا 35واں اجلاس وائس چانسلر پروفیسر امجد سراج میمن کی صدارت میں منعقد ہوا۔اجلاس میں اکیڈمک کونسل نے ماسٹر آف فلاسفی (ایم فل) پروگرام کے لیے ایناٹومی، بایو کیمسٹری، فارماکولوجی، اور فزیالوجی کے شعبوں اور بایو کیمسٹری و فارماکولوجی کے ڈاکٹریٹ (پی ایچ ڈی) پروگرام کے لیے پوسٹ گریجویٹ پروگرام اسپیسفیکیشن ٹیمپلیٹ 2024 کی متفقہ منظوری دی۔

کونسل نے ہدایت دی کہ تمام ادارے اپنے تعلیمی کیلنڈرز کی تعمیل پیش کریں، اور ساتھ ہی بیسک میڈیکل سائنسز ایس ایم سی کی بورڈ آف فیکلٹی اور سندھ میڈیکل کالج کے شعبہ جات فارماکولوجی، بایو کیمسٹری ، اور فارنزک میڈیسن کے بورڈ آف اسٹڈیز (بی او ایس) کی ازسرِنو تشکیل کی منظوری دی۔

(جاری ہے)

اجلاس میں پچھلے 34ویں اجلاس کے منٹس اور ادارہ جاتی نصاب کمیٹی (آئی سی سی) کی منظوری بھی دی گئی۔

کونسل نے ڈینٹل ہیلتھ سائنسز میں پی ایچ ڈی پروگرام کے کور اور انتخابی کورسز کی منظوری دی۔ مزید یہ کہ اپپنا انسٹی ٹیوٹ آف پبلک ہیلتھ، کمیونٹی میڈیسن ، ایناٹومی، فزیالوجی، اور بی او ایف برائے بیسک میڈیکل سائنسز کے منٹس کو بھی منظور کرلیا گیا۔کونسل نے جناح سندھ میڈیکل یونیورسٹی اور جناح پوسٹ گریجویٹ میڈیکل سینٹر کے بیسک میڈیکل سائنس انسٹی ٹیوٹ کے درمیان مفاہمتی یادداشت کی منظوری دی۔

پروفیسر ڈاکٹر سونو مل کو شعبہ فورنزک میڈیسن اینڈ ٹاکسیکولوجی اور پروفیسر ڈاکٹر تفضل حیدر کو کمیونٹی میڈیسن کے چیئرپرسن کے طور پر تعینات کیا گیا۔یہ اجلاس یونیورسٹی کے رجسٹرار آفس نے منظم کیا، جس میں رجسٹرار ڈاکٹر اعظم خان، مختلف شعبہ جات کے سربراہان، ڈینز، ڈائریکٹر کیو ای سی ڈاکٹر عبدالوحید عثمانی، کنٹرولر امتحانات ڈاکٹر فوزیہ امتیاز، ڈائریکٹر ریسرچ پروفیسر ہما شریف، ڈائریکٹر ایچ آر ڈاکٹر راحت ناز، اور چیئرپرسن انسٹی ٹیوٹ آف میڈیکل ایجوکیشن ڈاکٹر سیدہ کوثر علی اور الحاق شدہ کالجز کے پرنسپلز نے شرکت کی۔#