ایف آئی اے نے بیرون ملک بھیک مانگنے کے غرض سے جانے والے 9 مسافروں کو آف لوڈ کر دیا گیا

جمعہ 15 نومبر 2024 22:50

اسلام آباد (اُردو پوائنٹ اخبارتازہ ترین - اے پی پی۔ 15 نومبر2024ء) ایف آئی اے نے بیرون ملک بھیک مانگنے کی غرض سے جانے والے 9 مسافروں کو آف لوڈ کر دیا گیا۔ملزمان عمرے کی آڑ میں بھیک مانگنے کے غرض سے سعودی عرب جا رہے تھے۔گرفتار ملزمان میں 2 مرد اور 7 خواتین شامل ہیں ۔ ایف آئی اے کے مطابق ایف آئی اے امیگریشن کی ملتان ائرپورٹ پر بڑی کارروائی کرتے ہوئے خیرات علی، محمد پرویز، کنیز بی بی، فائز مائی، کلثوم مائی ، آسیہ بی بی، الفت بی بی، نائلہ اور شازیہ کو گرفتار کر لیا ۔

ملزمان کا تعلق لیہ، بھکر، ملتان اور سرگودھا کے مختلف علاقوں سے ہے۔ملزمان نے فلائٹ نمبر SV801 سے سعودی عرب جانے کی کوشش کی۔گرفتار ملزمان کے پاس کسی قسم کی ہوٹل بکنگ نہیں تھی۔گرفتار ملزمان عمرے اخراجات کے حوالے سے بھی حکام کو مطمئن نہ کر سکے۔

(جاری ہے)

ابتدائی تفتیش کے مطابق ملزمان اس سے قبل بھی عمرے ادائیگی کے لئے سعودی عرب جاچکے ہیں۔ملزمان عمرے ادائیگی کے طریقہ کار کے حوالے سے بھی جواب دینے میں ناکام رہے۔گرفتار ملزمان کو مزید تفتیش اور قانونی کارروائی کے اینٹی ہیومن ٹریفکنگ سرکل ملتان منتقل کر دیا گیا۔بیرون ممالک گداگری میں ملوث عناصر کے خلاف سخت کریک ڈاؤن جاری ہے ۔ ڈائریکٹر جنرل ایف آئی اے کی ہدایت پر مسافروں کی سخت اسکرینگ کی جاری ہے۔