میں نے 4کمیٹیوں سے استعفیٰ دیا ہے، بیرسٹر گوہر علی خان

کہیں مذاکرات نہیں ہورہے،اب دیکھتے ہیں ہم کیسے آگے بڑھیں گے،چیئرمین پی ٹی آئی

جمعرات 28 اگست 2025 21:40

میں نے 4کمیٹیوں سے استعفیٰ دیا ہے، بیرسٹر گوہر علی خان

اسلام آباد (اُردو پوائنٹ اخبارتازہ ترین - این این آئی۔ 28 اگست2025ء)چیئرمین پاکستان تحریک انصاف بیرسٹر گوہر نے کہا ہے کہ میں نے 4 کمیٹیوں سے استعفی دیدیا ہے ، بانی پی ٹی آئی کو قید کیا گیا،لوگوں کو ناحق سزائیں دی گئیں۔

(جاری ہے)

قائمہ کمیٹیوں سے مستعفی ہونے کے بعد میڈیا سے گفتگو کرتے ہوئے بیرسٹر گوہر نے کہا کہ ہم نے بہت کوشش کی سسٹم کا حصہ رہیں اور سسٹم چلے، ہماری 180 نشستیں تھیں، ہم 91 کے ساتھ اسمبلی میں تھے ، خیبرپختونخوا میں ہماری دو تہائی اکثریت تھی،پنجاب میں ہماری اکثریت تھی ، بانی پی ٹی آئی کو قید کیا گیا،لوگوں کو ناحق سزائیں دی گئیں، سب کے باوجود بانی پی ٹی آئی اور ہم نے کہا آ بات کرو، آگے بڑھو، ابھی کہیں مذاکرات نہیں ہورہے،اب دیکھتے ہیں ہم کیسے آگے بڑھیں گے۔