Live Updates

وزیراعلیٰ مریم نواز شریف کی ہدایات پر چنیوٹ میں دریائے چناب کے کنارے حفاظتی اقدامات مزید سخت

جمعرات 28 اگست 2025 19:39

لاہور (اُردو پوائنٹ اخبارتازہ ترین - این این آئی۔ 28 اگست2025ء) وزیراعلیٰ پنجاب مریم نواز شریف کی ہدایات پر چنیوٹ میں دریائے چناب کے کنارے حفاظتی اقدامات مزید سخت کر دیئے گئے ہیں۔صوبائی وزیر صحت و پاپولیشن و انچارج فلڈ کنٹرول فیصل آباد ڈویڑن خواجہ عمران نذیر اورصوبائی وزیر صحت و چیئرمین کابینہ کمیٹی برائے ڈیزاسٹر مینجمنٹ خواجہ سلمان رفیق نے چنیوٹ کا دورہ کیا۔

اس موقع پر کمشنر مریم خان،ڈپٹی کمشنر صفی اللہ گوندل اور ڈسٹرکٹ پولیس آفیسر عبداللہ احمد بھی ہمراہ تھے۔ وفد نے ٹی ڈی سی پی، قاضیاں، چنیوٹ بند اور دیگر مقامات پر دریائی پٹی اور حفاظتی بندوں کا معائنہ کیا۔صوبائی وزراء نے دریائی علاقوں سے شہریوں کے تیز رفتار انخلاء پر ضلعی انتظامیہ کی کارکردگی کو سراہا اور موقع پر موجود افراد سے ملاقات کرتے ہوئے انہیں سیلابی خطرات سے آگاہ کیا۔

(جاری ہے)

انہوں نے کہا کہ شہریوں کے جان و مال کا تحفظ حکومت کی اولین ترجیح ہے۔ڈی سی آفس میں میڈیا کو بریفنگ دیتے ہوئے بتایا گیا کہ ضلع چنیوٹ کی87 دیہات سیلابی ریلے سے متاثر ہوئے ہیں جبکہ33 ہزار کے قریب افراد کو محفوظ مقامات پر منتقل کر دیا گیا ہے۔متاثرہ آبادی کے لئی12 فلڈ ریلیف کیمپس مکمل طور پر فعال ہیں اور موجودہ سیلابی ریلا تاریخ کا سب سے بڑا سیلاب ہے۔

وزیراعلیٰ پنجاب مریم نواز شریف کی ہدایات پر صوبائی کابینہ کے تمام اراکین فیلڈ میں موجود ہیں اور متاثرین کی امداد کے لئے وزیراعلیٰ جلد خصوصی اعلان بھی کریں گی۔صوبائی وزرائ نے کہا کہ میڈیا نمائندگان کی مثبت رپورٹنگ لائق تحسین ہے جبکہ ریسکیو1122 کا عملہ جانفشانی سے خدمات انجام دے رہا ہے۔ مشترکہ کاوشوں سے سیلابی صورتحال پر قابو پایا جائے گا۔