دوسرا ٹی ٹونٹی، آسٹریلیا کا پاکستان کیخلاف ٹاس جیت کر بیٹنگ کا فیصلہ

میچ سڈنی کرکٹ گرائونڈ پر کھیلا جارہا ہے

ذیشان مہتاب ہفتہ 16 نومبر 2024 12:35

دوسرا ٹی ٹونٹی، آسٹریلیا کا پاکستان کیخلاف ٹاس جیت کر بیٹنگ کا فیصلہ

سڈنی (اردو پوائنٹ تازہ ترین اخبار۔ 16 نومبر 2024ء ) تین ٹی ٹونٹی انٹرنیشنل میچوں پر مشتمل سیریز کے دوسرے میچ میں آسٹریلیا نے پاکستان کیخلاف ٹاس جیت کر پہلے بیٹنگ کرنے کا فیصلہ کیا ہے۔ آسٹریلیا کو تین میچوں کی سیریز میں 0-1 کی برتری حاصل ہے۔ کینگروز نے پہلے ٹی ٹونٹی میچ میں پاکستان کی ٹیم کو 29 رنز سے شکست دی تھی۔ دونوں ٹیمیں دوسرے ٹی ٹونٹی میچ کے لئے سڈنی پہنچ چکی ہیں ۔

ٹی ٹونٹی سیریز میں پاکستان ٹیم کی قیادت وکٹ کیپر بلے باز محمد رضوان کریں گے جبکہ میزبان آسٹریلوی ٹیم کو جوش انگلس لیڈ کریں گے۔ پاکستان کی کرکٹ ٹیم ان دنوں دورہ آسٹریلیا پر ہے جہاں وہ میزبان ٹیم کے خلاف تین ون ڈے میچوں کی سیریز کھیل چکی ہے جس میں گرین شرٹس نے کینگروز کو 1-2 سے شکست دی تھی۔

(جاری ہے)

پاکستان نے 22 سال بعد آسٹریلیا کو اس کے ہوم گراؤنڈ پر ون ڈے سیریز میں شکست دی۔

پاکستان کی ٹیم نے ون ڈے سیریز کے علاوہ تین ٹی ٹونٹی بین الاقوامی میچوں کی سیریز بھی کھیلنی ہے جس کا ایک میچ کھیلا جا چکا ہے جس میں میزبان آسڑیلوی ٹیم نے پاکستان کو 29 رنز سے شکست دی تھی۔ پاکستان اور میزبا ن آسڑیلیا کی ٹیمیں سڈنی پہنچ چکی ہیں ۔ تین ٹی ٹونٹی میچوں کی سیریز کا دوسرا میچ 16 نومبر کو کھیلا جائے گا۔ دونوں ٹیموں کے کپتانوں نے سیریز میں کامیابی کے لئے بیانات دیئے ہیں اور ٹی ٹونٹی سیریز میں انتہائی دلچسپ اور کانٹے دار مقابلوں کی توقع کی جارہی ہے۔ تیسرا اور آخری ٹی ٹونٹی میچ 18 نومبر کو بیلریو اوول ہوبارٹ میں کھیلا جائے گا۔ ٹی ٹونٹی سیریز کے تینوں میچز نائٹ ہوں گے اور فلڈلائٹس کی روشنی میں کھیلے جائیں گے۔