فرینڈز آف پولیس اقراء یونیورسٹی کے طلباء کے وفد کاسیف سٹی اسلام آباد کا دور ہ،طریقہ کار ، افادیت بارے آگاہ کیاگیا

منگل 19 نومبر 2024 21:49

اسلام آباد(اُردو پوائنٹ اخبارتازہ ترین - این این آئی۔ 19 نومبر2024ء) فرینڈز آف پولیس اقراء یونیورسٹی کے طلباء کے وفد نے سیف سٹی اسلام آباد کا دور ہ کیا،وفد کو سیف سٹی اسلام آباد کے مرکزی نظام، کمانڈ اینڈ کنٹرول سنٹر، آنلائن وویمن پولیس اسٹیشن، جدید تکنیک کے حامل کیمروں اور پولیس آپریشنز سنٹر ہال کا دورہ کروایا گیا اور اس کے طریقہ کار اور افادیت کے بارے میں بھی مکمل آگاہ کیاگیا۔

(جاری ہے)

تفصیلات کے مطابق ڈپٹی ڈائریکٹر ٹیکنیکل سیف سٹی نے فرینڈز آف پولیس اقراء یونیورسٹی کے طلباء کے وفد کو سیف سٹی اسلام آباد کا دورہ کروایا، وفد کو سیف سٹی اسلام آباد کے مرکزی نظام، کمانڈ اینڈ کنٹرول سنٹر، آنلائن وویمن پولیس اسٹیشن، جدید تکنیک کے حامل کیمروں اور پولیس آپریشنز سنٹر ہال کا دورہ کروایا گیا اور ان کے طریقہ کار اور افادیت کے بارے میں بھی مکمل آگاہ کیا، وفد کو بتایا گیا کہ سیف سٹی اسلام آباد جدید تکنیکی منصوبے کے ذریعے مختلف شعبہ جات میں اہم کردار ادا کر رہا ہے، جس میں پولیس آپریشنز سنٹر، ایمرجنسی کنٹرول سنٹر،آن لائن وویمن پولیس اسٹیشن ،ڈسپیچ کنٹرول سنٹر، ای چالان سسٹم اور "پکار "15- ہیلپ لائن جیسے اقدام شامل ہیں، وفد کو شہر میں سیف سٹی کیمروں کی کارکردگی اور افادیت کے بارے میں بتایا گیا کہ سیف سٹی کے جدید تکنیک کے حامل کیمرے شہر کی سلامتی، جرائم کے سدِباب اور شہریوں کی جان و مال کے تحفظ میں اہم کردار ادا کر رہے ہیں، شہر کے داخلی و خارجی راستوں پر چہروں کی شناخت کرنے والے کیمرے بھی لگائے گئے ہیں جو مشکوک عناصر کی نشاندہی میں اہم کردار ادا کر رہے ہیں، وفد نے اسلام آباد پولیس کے جدید تکنیکی نظام اور اس کی افادیت کو سراہا اور اس کامیاب دورے پر سیف سٹی ٹیم کا شکریہ ادا کیا۔

Facebook Twitter Google + Share on Whatsapp

فرینڈز آف پولیس اقراء یونیورسٹی کے طلباء کے وفد کاسیف سٹی اسلام آباد کا دور ہ،طریقہ کار ، افادیت بارے آگاہ کیاگیا

متعلقہ عنوان :

مزید تعلیم کی خبریں