اقرا یونیورسٹی کے 50طلباو طالبات پر مشتمل چھٹے خصوصی فرینڈزآف پولیس انٹرن شپ پروگرام کا آغاز

منگل 19 نومبر 2024 21:49

اسلام آباد(اُردو پوائنٹ اخبارتازہ ترین - این این آئی۔ 19 نومبر2024ء) اسلام آباد ٹریفک پولیس کے زیر اہتمام اقرا یونیورسٹی کے 50طلباو طالبات پر مشتمل چھٹے خصوصی فرینڈزآف پولیس انٹرن شپ پروگرام کا آغاز کر دیا گیا۔

(جاری ہے)

تفصیلات کے مطابق اسلام آباد ٹریفک پولیس نے شہریوں کوٹریفک قوانین اور روڈ سیفٹی کے متعلق آگاہی فراہم کرنے کیلئے خصوصی فرینڈآف پولیس انٹرن شپ پروگرام کا آغاز کررکھا ہے اس سلسلے میں اسلام آباد ٹریفک پولیس کے زیر اہتمام اقرا یونیورسٹی کے 50 طلباء و طالبات پر مشتمل چھٹے خصوصی فرینڈزآف پولیس انٹرن شپ پروگرام کا آغاز کر دیا گیا،اس سلسلے میں ٹریفک پولیس ہیڈکوارٹرز میں چیف ٹریفک آفیسر اسلام آباد محمد سرفراز ورک نے طلباء و طالبات سے خطاب کرتے ہوئے کہاکہ ہمارے لئے آپ کی ٹریننگ مکمل کروانا ایک اہمیت کا حامل ہے،ہمارے لئے سب سے اہم اسکول ،کالجز اور یونیورسٹیوں تک جانا اور بہتر معاشرے کی تشکیل کے لئے طلباء کی ذہن سازی کرناہے،پولیس کے لئے عوامی رائے بدلنا انتہائی مشکل عمل ہے،ہم اپنے طریقے کار اور سہولیات عوام کے سامنے رکھ رہے ہیں تاکہ عوام کو پتہ چلے پولیس کیا ہے،میں بلند و بالا دعوئوں پر یقین نہیں رکھتا بلکہ عملی طور پر7 /24 کام کررہے ہیں،سی ٹی او اسلام آباد نے مزید کہاکہ عوام کی خدمت کرنے والے اللہ کی طرف سے منتخب ہوتے ہیں،مشکل وقت میں سب سے پہلا ردعمل دینے والا محکمہ پولیس ہے،بدلتے دور کے ساتھ پولیس کوںعصر حاضر کے تقاضوں سے ہم آہنگ کررہے ہیں،اسلام آباد پولیس 64 شہداء کے خون کی وارث ہے،وردی کسی بھی رنگ کی ہو ہمارا عہد ایک ہی ہے،ہم نے آپ سے وہ تعلق بنایا ہے جو دائمی ہے،پولیس کلچر مثبت عناصر پر مشتمل ہے اس سے منفی عنصر کو ختم کرنا ہے،انہوں نے مزید کہا کہ رضا کاران پولیس اور فرینڈز آف پولیس کا کردار ایک ہی ہے جس میں جرائم کی بیخ کنی میں عوامی اطلاع سب سے اہم ہے،آئیں ہمارا حصہ بنیں اور مل کر عوامی خدمت کریں ۔