EBM کا بچوں کی خوشیوں میں برابری کی اہمیت کو اجاگر کرنےکا پیغام

کراچی (اُردو پوائنٹ اخبارتازہ ترین۔ 22 نومبر2024ء)   اس عالمی یوم اطفال کے موقع پر، انگلش بسکٹ مینوفیکچررز (ای بی ایم) نے قوم کے پسندیدہ برانڈ، پیک فرینز سوپر کی جانب سے ایک پُراثر پیغام شیئر کیاہے۔ یہ مہم بچوں کی زندگی میں خوشی کے چھوٹے چھوٹے لمحات میں برابری کی اہمیت کو اجاگر کرتی ہے۔اس سال کے عالمی موضوع کے ساتھ ہم آہنگ، یہ اقدام بچوں کی زندگی کے ہر پہلو میں انصاف اور برابری کی اہمیت کی بھرپور یاد دہانی کرواتا ہے۔

ای بی ایم کے ایگزیکٹو ڈائریکٹر، شاہزین منیر نے اپنے خیالات کا اظہار کرتے ہوئے کہا، "ایک معمولی عمل بھی بچوں کی زندگیوں میں مثبت تبدیلی لاسکتا ہے۔ یہ خیال ہماری مہم کے پیغام ’ایک جیسی بچپن کی سیدھی سادی خوشی‘ میں بخوبی جھلکتا ہے۔ ہمیں اپنے معاشرے میں موجود غیر شعوری تعصبات پر غور کرنے کی ضرورت ہے۔

(جاری ہے)

اس عالمی یومِ اطفال پر، ہم سب سے  یہ عہد کرنے کی گزارش کرتے ہیں کہ ایک ایسی دنیا تشکیل دینے میں اپنا کردار ادا کر یں جہاں کوئی بھی بچہ پیچھے نہ رہے اور ہر چھوٹی سے چھوٹی خوشی یکساں طور پر بانٹی جاسکے ۔

"

انہوں نے مزید کہاکہ،"ہم ایک ایسے پاکستان کا خواب دیکھتے ہیں جہاں ہر بچے کی صلاحیتوں کو پہچان کر انہیں پروان چڑھایا جائے اور ایک ایسا معاشرہ تشکیل دیا جائے جو شمولیت اور اجتماعی ترقی پر مبنی ہو۔"

ای بی ایم نے کئی دہائیوں سے اپنے پائیداری کے ایجنڈے #NourishForEquity کے تحت مختلف اقدامات کو کامیابی سے سرانجام دیا ہے  ، جن کا مقصد تعلیم تک یکساں رسائی فراہم کرنا، سماجی رویوں میں مثبت تبدیلی لانا، صنفی مساوات کو فروغ دینا، روزگار کے مواقع پیدا کرنا، خواتین کے لیے مالی شمولیت کو یقینی بنانا اور نوجوانوں کو بااختیار بنانا  ہے۔

ای بی ایم نے راشد آباد میموریل ویلفیئر آرگنائزیشن، راشدہ بٹ اکیڈمی (صوابی) ، گرین کریسنٹ ٹرسٹ، ڈیولپمنٹ اِن لٹریسی، اور دی سٹیزنز فاؤنڈیشن جیسے شراکت داروں کے ساتھ مل کر مختلف اقدامات کیے ہیں، جن میں ، "اینتھم فار ایجوکیشن" مہم  شامل ہے، جس کا مقصد پاکستان کے 26 ملین اسکول نہ جانے والے بچوں کو تعلیم کے زیور سے آراستہ کرنا ہے ۔ اب تک ،ای بی ایم نے 35,000 بچوں کی تعلیم فراہم کرنے میں اپنا کردار ادا کیا ہے اور 2030 تک 100,000 بچوں کو تعلیم فراہم کرنے کے لیے پرعزم ہے۔

اس مہم کا مقصد اس بات کو اجاگر کرنا ہے کہ  ہم سب مل کر ہر بچے کو اہمیت دیں،انہیں محبت کا احساس دلائیں، اور ان کے چہروں پر خوشیاں پھیلائیں ۔ آج اور ہر دن، خوشیوں کو اولین ترجیح بنائیں۔