وزیراعظم کی ریاض حسین پیرزادہ کی رہائشگاہ آمد،چھوٹے بھائی کی وفات پر تعزیت کا اظہار

جمعہ 22 نومبر 2024 21:35

حاصل پور(اُردو پوائنٹ اخبارتازہ ترین - این این آئی۔ 22 نومبر2024ء) وزیراعظم محمد شہباز شریف نے وفاقی وزیر ہائوسنگ اینڈ ورکس ریاض حسین پیرزادہ کی حاصل پور کے نواحی علاقے شیخ واہن میں واقع رہائشگاہ جا کر ان کے چھوٹے بھائی میاں سجاد حسین پیرزادہ کی وفات پر تعزیت کا اظہار کیا ہے۔

(جاری ہے)

وزیراعظم نے مرحوم کے درجات کی بلندی کیلئے دعا کی کہ اللہ تعالی مرحوم کو جنت الفردوس میں جگہ دے اور ان کے اہلخانہ کو صبر جمیل عطا کرے۔وفاقی وزرا ء احسن اقبال،مصدق ملک، عطا اللہ تارڑ ،سردار اویس لغاری اور قومی و صوبائی اسمبلی ممبران بھی وزیراعظم کے ہمراہ تھے۔