متحدہ عرب امارات کے باولر کی متنازع نو بال نے محمد عامر کی یاد دلا دی

حضرت بلال کی بائولنگ کریز سے کئی گُنا آگے کی گئی ڈیلیوری نے شکوک و شبہات پیدا کر دیے

ذیشان مہتاب ہفتہ 23 نومبر 2024 12:18

متحدہ عرب امارات کے باولر کی متنازع نو بال نے محمد عامر کی یاد دلا دی

ابوظہبی (اردو پوائنٹ تازہ ترین اخبار ۔ 23 نومبر 2024ء ) متحدہ عرب امارات (یو اے ای) کے فاسٹ بولر حضرت بلال کی متنازع نوبال پر انگلیاں اٹھنے لگیں۔

نجی ٹی وی ایکسپریس نیوز کے مطابق ابوظہبی میں جاری ٹی10 لیگ میں یو اے ای کے مقامی بالر حضرت بلال نے سامپ آرمی کی جانب سے نیویارک اسٹرائیکر کے خلاف نو بال کی، جس نے 2010ء میں انگلینڈ میں اسپاٹ فکسنگ میں ملوث محمد عامر کی یاد کو تازہ کردیا۔

(جاری ہے)

فرنٹ فٹ کریز سے کافی آگے کی جانے والی نو بال پر کمنیٹیر بھی حیران رہ گئے۔

اس نوبال کے نتیجے میں ملنےوالی فری ہٹ پر چھکا بھی لگا۔ بلال کی اس نوبال کو دیکھنے کے بعد سوشل میڈیا صارفین اسے محمد عامر سے بڑی نوبال قرار دے کر مختلف شکوک کا اظہار کرکے تبصرہ بھی کیا۔

فاسٹ بولر کی جانب سے ہوئی نوبال کی ویڈیو سوشل میڈیا پلیٹ فارمز پر تیزی سے وائرل ہورہی ہے۔

متحدہ عرب امارات کے فاسٹ بولر حضرت بلال 7 ون ڈے انٹرنیشنل میچ بھی کھیل چکے ہیں۔