افغانستان ایک مرتبہ پھر پاکستان کو شکست دینے میں کامیاب

شارجہ میں پاکستان کی بیٹنگ لائن کی بدترین ناکامی، 170 رنز کا ہدف حاصل نہ کر سکے

محمد علی منگل 2 ستمبر 2025 23:45

شارجہ (اُردو پوائنٹ اخبارتازہ ترین۔ 02 ستمبر2025ء) افغانستان ایک مرتبہ پھر پاکستان کو شکست دینے میں کامیاب، شارجہ میں پاکستان کی بیٹنگ لائن کی بدترین ناکامی، 170 رنز کا ہدف حاصل نہ کر سکے۔ شارجہ کی مشکل وکٹ پر افغان بلے باز اپنے کپتان کے پلان پر عمل کرنے میں کامیاب رہے، افغان ٹیم مقررہ 20 اوورز میں 5 وکٹوں کے نقصان پر 169 رنز بنا سکی، یوں پاکستان کو 170 رنز کا ہدف ملا۔

(جاری ہے)

تاہم پاکستان مقررہ 20 اوورز میں 9 وکٹوں کے نقصان پر 151 رنز بنا سکا، یوں افغانستان 18 رنز سے میچ اپنے نام کرنے میں کامیاب رہا۔ اس سے قبل افغانستان نے ٹاس جیتنے کے بعد پاکستان کیخلاف پہلے بیٹنگ کرنے کا فیصلہ کیا۔ افغانستان کے کپتان نے شارجہ کی وکٹ پر 170 رنز کو اچھا اور قابل دفاع ہدف قرار دیا۔ واضح رہے کہ دونوں ٹیموں اب تک ٹورنامنٹ میں 2،2 میچز کھیل چکی ہیں۔ پاکستان اپنے دونوں ابتدائی میچز میں فتح حاصل کرنے میں کامیاب رہا۔ جبکہ افغانستان کو پاکستان کے ہاتھوں شکست اور یو اے ای کیخلاف فتح حاصل ہوئی۔