انجری کے باعث پاکستانی اتھلیٹ تامین خان ورلڈ ایتھلیٹکس چیمپئن شپ سے دستبردار

منگل 2 ستمبر 2025 22:39

ٹوکیو(اُردو پوائنٹ اخبارتازہ ترین - آن لائن۔ 02 ستمبر2025ء)پاکستان کی تیز ترین خاتون ایتھلیٹ تامین خان ورلڈ ایتھلیٹکس چیمپئن شپ سے دستبردار ہوگئی۔تامین خان انجری کی وجہ سے ٹوکیو میں ہونیوالے ایونٹ میں حصہ نہیں لے پائیں گی، تامین کو رواں ماہ ٹوکیو میں ہونیوالے ایونٹ میں 100 میٹر کی دوڑ میں حصہ لینا تھا۔

(جاری ہے)

ایتھلیٹکس فیڈریشن آف پاکستان نے خصوصی طور پر تامین کیلئے ورلڈ چیمپئن شپ کی اینٹری حاصل کی تھی۔پاکستانی ایتھلیٹ کو تین روز قبل ٹریننگ کے دوران انجری ہوئی تھی، ایم آر آئی رپورٹس کی روشنی میں ڈاکٹرز نے تامین کو مزید دو ہفتے آرام کا مشورہ دیا۔ورلڈ ایتھلیٹکس چیمپئن شپ میں پاکستان کی واحد نمائندگی اب جیولن تھروور ارشد ندیم کریں گے۔