ؔگرینڈ ہیلتھ الائنس بلوچستان کے تمام مطالبات کی مکمل حمایت کرتے، ترجمان ینگ ڈاکٹرز ایسوسی ایشن بلوچستان

کوئٹہ(اُردو پوائنٹ اخبارتازہ ترین - آن لائن۔ 24 نومبر2024ء) ینگ ڈاکٹرز ایسوسی ایشن بلوچستان نے کہا ہے کہ ایڈہاک اور کنٹریکٹ کے انٹرویوز کے دوران ڈاکٹرز کی بے توقیری اور تذلیل کی شدید الفاظ میں مذمت کرتے ہیں، معاشرے کے سب سے تعلیم یافتہ طبقے کے ساتھ حکومت کا یہ رویہ کسی صورت قابل قبول نہیںایک ہی دن تمام ڈاکٹرز کو بغیر کسی انتظام کے بلا کر وہاں سے انٹرویو کے بغیر بھیج دینا مسیحاں کے شعبے کی تذلیل کے سوا کچھ بھی نہیں ہیں مستقل خالی آسامیوں پر عارضی بنیادوں پر روزگار فراہم کرنا کمیشن اور کرپشن کا راستہ کھلا رکھنے کی سوچی سمجھی سازش ہے جس کو وائی ڈی اے بلوچستان مکمل مسترد کرتی ہے۔

ینگ ڈاکٹر ایسوسی ایشن بلوچستان کے ترجمان ڈاکٹر صبور احمد کاکڑ نے اپنے بیان میں کہا ہے کہ وائی ڈی اے بلوچستان مطالبہ کرتی ہیں کہ ان خالی آسامیوں پر مستقل بھرتیاں عمل میں لائی جائے، ینگ ڈاکٹرز ایسوسی ایشن بلوچستان گرینڈ ہیلتھ الائنس بلوچستان کے تمام مطالبات کی مکمل حمایت کرتے ہوئے کل بروز سموار سے روزآنہ صبح آٹھ سے گیارہ بجے تک او پی ڈی کے بائیکاٹ کا اعلان کرتی ہے اور تمام آرگنائزنگ کمیٹیوں اور ضلعوں آرگنائزنگ کمیٹیوں کو ہدایت کی جاتی ہے کہ او پی ڈی کا ٹوکن سٹرائیک اپنے ہسپتال اور ضلعے میں یقینی بنائیں۔

(جاری ہے)

گزشتہ روز ایڈاک اور کنٹریکٹ اسامیوں پر ہونے والے انٹرویو کے دوران مناسب انتظامات نہ ہونے کی وجہ ڈاکٹرز کو مشکلات کا سامنا کرنا اور ڈاکٹرز کو بغیر انٹرویو کے گھر بھیج دیا گیا وائی ڈی اے بلوچستان ایسے اقدامات کو ڈاکٹرز کی تذلیل سمجھتی ہے جس کا شدید الفاظ میں مذمت کرتے ہیںترجمان نے کہا کہ مستقل خالی اسامیوں پر عارضی بنیادوں پر بھرتیاں کرنے کے بجائے ان اسامیوں پر مستقل بھرتیاں عمل میں لانے کے لیے جلد از جلد یہ تمام خالی اسامیاں بلوچستان پبلک سروس کمیشن کو بیچ کر ان دیرینہ مسائل کا مستقل حل نکالا جائے ترجمان نے کہا کہ موجودہ حکومت کی غیر سنجیدگی کا اندازہ اس بات سے لگایا جا سکتا ہے کہ کمیشن اور کرپشن کا راستہ کھلا رکھنے کے لیے مستقل اسامیوں پر عارضی بنیادوں پر بھرتیاں کی جا رہی ہے تاکہ ہر چھ مہینے کے بعد کرپشن اور کمیشن کھا کاروبار چلتا رہے ترجمان نے کہا کہ ینگ ڈاکٹرز ایسوسی ایشن بلوچستان گرینڈ ہیلتھ الائنس بلوچستان کے تمام مطالبات کی مکمل حمایت کرتے ہوئے کل بروز سموار سے صبح اٹھ سے 11 بجے تک او پی ڈیز کا ٹوکن سٹرائک یقینی بنائیں گے اور ینگ ڈاکٹرز ایسوسی ایشن بلوچستان اپنے تمام ارگنائزنگ باڈیز اور تمام ضلعوں کے اورگنائزنگ کمیٹیوں کو ہدایت کی جاتی ہے کہ ٹوکن سٹرائک یقینی بنائیں. تمام مطالبات تسلیم ہونے تک احتجاج جاری رہے گا۔