ی*فیض حمید کا معاملہ صرف کورٹ مارشل تک محدود نہیں ہوگا بلکہ سزا بھی ہوگی، فیصل واؤڈا

،فیض حمید پر چارج شیٹ کا لنک سول نافرمانی سے جڑا ہے،اب عمران خان کو فوجی تحویل میں لیا گیا توحیران کن نہ ہوگا،سابق وزیر

منگل 10 دسمبر 2024 20:35

ڑ*اسلام آباد(اُردو پوائنٹ اخبارتازہ ترین - آن لائن۔ 10 دسمبر2024ء)سابق وفاقی وزیر سینیٹر فیصل واؤڈا نے کہا ہے کہ فیض حمید کا معاملہ صرف کورٹ مارشل تک محدود نہیں رہے گا بلکہ سزا بھی ہوگی۔نجی ٹی وی سے گفتگو میں فیصل واؤڈا نے کہا کہ پہلے بھی بتا چکا ہوں 14 دسمبر کی سول نافرمانی کی کال کا تعلق فیض حمید کے ٹرائل سے ہے۔ ایسا نہیں ہوسکتا کہ ایک شخص کا ٹرائل ہو اور حواریوں کا نہ ہو۔

(جاری ہے)

فیصل واؤڈا نے دعویٰ کیا کہ پی ٹی آئی کے غبارے سے ہوا نکل گئی ہے جبکہ پاکستان میں اب ایسا میرٹ کا نظام آگیا ہے کہ کوئی طاقتور آدمی بھی نہیں بچ سکتا۔سینیٹر نے کہا کہ پانچ ماہ بعد شواہد جمع کرنے کے بعد انہوں نے اپنے بندے پر فرد جرم عائد کی۔ انہوں نے کہا کہ اب اگر بانی پی ٹی آئی کو فوجی تحویل میں لیا جائے تو حیران کن نہیں ہوگا۔ بشری بی بی بانی پی ٹی آئی کی جان لینے پر تلی ہیں۔