استحکام پاکستان پارٹی کی جنوبی پنجاب میں بڑی کامیابی، متعدد شخصیات پارٹی میں شامل

پیر 19 مئی 2025 22:53

لاہور (اُردو پوائنٹ اخبارتازہ ترین - آن لائن۔ 19 مئی2025ء) استحکام پاکستان پارٹی کی سیاسی قوت میں اضافہ ہوا ہے۔ جنوبی پنجاب سے متعدد قد آور سیاسی و سماجی شخصیات نے استحکام پاکستان پارٹی میں شمولیت کا اعلان کر دیا۔ انہوں نے یہ اعلان صوبائی جنرل سیکرٹری آئی پی پی و ایم پی اے شعیب صدیقی سے ملاقات کے بعد کیا ہے۔ اس موقع پر صدر آئی پی پی جنوبی پنجاب سید رفاقت علی گیلانی، صدر آئی پی پی ضلع لیہ یاسر عرفات ضلعی سیکرٹری لیہ مہر ظفر اقبال گریوال بھی موجود تھے۔

جنہوں نے شمولیت کرنے والوں کو پارٹی پرچم پہنا کر ان کا خیر مقدم کیا۔ شمولیت کرنے والوں نے پارٹی منشور اور صدر ا?ئی پی پی عبدالعلیم خان کی قیادت پر مکمل اعتماد کا اظہار بھی کیا۔ ملک سلیم روہیلہ، شیخنشاہد، شیخ زبیر، ملک خضر جوتہ ، زبیر خان مگسی آئی پی پی کے قافلے میں شامل ہوئے۔

(جاری ہے)

ان کے علاؤہ ملک اشفاق لنگاہ ایڈووکیٹ، ملک شاہد بھلر ایڈووکیٹ، چوہدری اشفاق کمبوہ، سابقہ کونسلرز غلام فرید سیال، محمد نواز خان میرانی، اللہ یار خان میرانی، مجید خان میرانی، مہر امام بخش گریوال، ملک مجید کھوکھر ، ملک اشرف بودلہ، شیراز خان چانڈیہ، ملک عمران جھورڑ، ملک رمضان لاڑ، ملک سجاد جھورڑ، مہر سعید لوہانچ و دیگر نے بھی شمولیت کا اعلان کیا۔

اس موقع پر گفتگو کرتے ہوئے ایم پی اے شعیب صدیقی، سید رفاقت گیلانی اور یاسر عرفات کا کہنا تھا کہ لیہ میں 23 مئی کو ہونے والے معرکہ حق کنونشن سے قبل اس قدر بڑی تعداد میں سیاسی و سماجی شخصیات کا آئی پی پی کے قافلے میں شامل ہونا کامیابی کی نوید ہے۔ انہوں نے کہا کہ جنوبی پنجاب میں استحکام پاکستان پارٹی کی جڑیں مضبوط ہو رہی ہیں۔ آئی پی پی جنوبی پنجاب کی گزشتہ تمام محرومیوں کا ازالہ کرے گی۔

معرکہئ حق کی فتح سے پاکستان کا وقار پوری دنیا میں بلند ہوا ہے۔ انہوں نے کہا کہ لیہ کنونشن میں افواج پاکستان کے ساتھ بھر پور اظہار یکجہتی کیا جائے گا۔ انشاء اللہ 23 مئی کے معرکہ حق ورکرز کنونشن کو کامیاب بنائیں گے۔ آئی پی پی رہنماؤں کا مزید کہنا تھا کہ کنونشن میں شرکائ کی بڑی تعداد سے پارٹی قیادت کو خوش کریں گے۔