یو ای ٹی لاہور اور ہائر پاکستان کے درمیان مفاہمتی یادداشت پر دستخط

پیر 16 دسمبر 2024 20:33

لاہور (اُردو پوائنٹ اخبارتازہ ترین - اے پی پی۔ 16 دسمبر2024ء) یونیورسٹی آف انجینئرنگ اینڈ ٹیکنالوجی (یو ای ٹی) لاہور اور ہائر پاکستان ائرکنڈیشنر کے درمیان گرین انرجی سیونگ ٹیکنالوجی کے لیے مشترکہ لیبارٹری کے قیام پر معاہدہ طے پا گیا ۔

(جاری ہے)

سی ای او ہائر پاکستان فینگ ژیانفا اور وائس چانسلر یو ای ٹی پروفیسر ڈاکٹر شاہد منیر نے دونوں جانب سے شریک مندوبین کی موجودگی میں معاہدے کی دستاویزات پر دستخط کیے۔

اس تعاون کا مقصد پائیدار توانائی کے حل میں تحقیق اور ترقی کو فروغ دینا ہےجو پاکستان کے توانائی کی بچت اور ماحولیاتی استحکام کے اہداف سے ہم آہنگ ہے۔یہ مشترکہ لیبارٹری گرین ٹیکنالوجی میں اختراعات کے لیے ایک پلیٹ فارم فراہم کرے گی،جس سے تعلیمی ادارے اور صنعت دونوں فائدہ اٹھا سکیں گے۔