یو ایچ ایس کے پہلے وائس چانسلر پروفیسر ڈاکٹر محمد حیات ظفر کی برسی 27دسمبر کو منائی جائے گی

بدھ 25 دسمبر 2024 16:20

لاہور (اُردو پوائنٹ اخبارتازہ ترین - اے پی پی۔ 25 دسمبر2024ء) پرنسپل پی جی ایم آئی لاہور جنرل ہسپتال پروفیسر ڈاکٹر سردار محمد الفرید ظفر کے والد پروفیسر ڈاکٹر محمد حیات ظفر کی20ویں برسی 27دسمبر کو ان کے آبائی گائوں سلطان محمود تحصیل کبیر والا میں منائی جائے گی، جہاں ان کے لئے خصوصی دعائے مغفرت اور قرآن خوانی کا اہتمام کیا جائے گا ۔

(جاری ہے)

پروفیسرمحمد حیات ظفر (مرحوم )پاکستان میڈیکل اینڈ ڈینٹل کونسل کے سابق صدر اور یونیورسٹی آف ہیلتھ سائنسز کے پہلے وائس چانسلر تھے ، ان کا شمار قائد اعظم محمد علی جناح کے قریبی اور با اعتماد ساتھیوں میں ہوتا تھا جنہوں نے قیام پاکستان کی تحریک میں بھی نا قابل فراموش خدمات سر انجام دیں ۔

پروفیسر محمد حیات ظفر کی روح کے ایصال ثواب کے لئے دعائے مغفرت صبح 10بجے شروع ہوگی اور بعد از نماز ظہر دعا کی جائے گی ۔