سابق وزیر اعظم میر ظفر اللہ خان جمالی کا یوم پیدائش یکم جنوری کو منایا جائے گا

اتوار 29 دسمبر 2024 12:10

اسلام آباد (اُردو پوائنٹ اخبارتازہ ترین - اے پی پی۔ 29 دسمبر2024ء) سابق وزیر اعظم میر ظفر اللہ خان جمالی کا یوم پیدائش یکم جنوری کو منایا جائے گا۔میر ظفر اللہ خان جمالی یکم جنوری1944 کوبلوچستان کے علاقہ روجھان جمالی میں پیدا ہوئے ،وہ پاکستان کی تاریخ کے واحد وزیر اعظم تھے جن کا تعلق بلوچستان سے تھا۔

(جاری ہے)

میر ظفر اللہ خان جمالی 21نومبر2002سے لے کر26جون2004تک پاکستان کے وزیر اعظم رہے ، وہ پاکستان ہاکی فیڈریشن کے صدر بھی رہے ہیں ۔

میر ظفر اللہ خان جمالی کو انگریزی،اردو،سندھی،بلوچی،پشتو ،پنجابی سمیت مختلف زبانوں پر عبور حاصل تھا ۔میر ظفر اللہ خان جمالی 2 دسمبر2020کو 76سال کی عمر میں انتقال کر گئے ، انہیں ان کے آبائی علاقہ میں سپرخاک کیا گیا۔ میر ظفر اللہ خان جمالی کی سالگرہ کے موقع پر سیاسی اور سماجی حلقوں کے زیر اہتمام منعقدہ تقریبات میں انہیں خراج عقیدت پیش کیا جائے گا۔