سابق وزیر اعظم میر ظفر اللہ خان جمالی کا یوم پیدائش یکم جنوری کو منایا جائے گا

منگل 31 دسمبر 2024 11:50

اسلام آباد (اُردو پوائنٹ اخبارتازہ ترین - اے پی پی۔ 31 دسمبر2024ء) سابق وزیر اعظم میر ظفر اللہ خان جمالی کا یوم پیدائش یکم جنوری کو منایا جائے گا۔

(جاری ہے)

میر ظفر اللہ خان جمالی یکم جنوری1944 کوبلوچستان کے علاقے روجھان جمالی میں پیدا ہوئے ،وہ ملکی تاریخ کے واحد وزیر اعظم تھے جن کا تعلق بلوچستان سے تھا،وہ 21نومبر2002سے لے کر26جون2004تک وزیر اعظم رہے ، وہ پاکستان ہاکی فیڈریشن کے صدر بھی رہے ۔

ظفر اللہ خان جمالی کو انگریزی،اردو،سندھی،بلوچی،پشتو اور پنجابی سمیت مختلف زبانوں پر عبور حاصل تھا ۔ ان کا انتقال 2 دسمبر2020کو 76سال کی عمر میں ہوا ، انہیں ان کے آبائی علاقے میں سپرخاک کیا گیا۔ میر ظفر اللہ خان جمالی کی سالگرہ کے موقع پر سیاسی اور سماجی حلقوں کے زیر اہتمام منعقدہ تقریبات میں انہیں خراج عقیدت پیش کیا جائے گا۔\932