سابق وزیر اعظم میر ظفر اللہ خان جمالی کی سالگرہ یکم جنوری کو منائی گئی

بدھ 1 جنوری 2025 12:33

اسلام آباد (اُردو پوائنٹ اخبارتازہ ترین - اے پی پی۔ 01 جنوری2025ء) سابق وزیر اعظم میر ظفر اللہ خان جمالی کی سالگرہ یکم جنوری کو منائی گئی ۔میر ظفر اللہ خان جمالی یکم جنوری1944 کوبلوچستان کے علاقے روجھان جمالی میں پیدا ہوئے ،وہ ملکی تاریخ کے واحد وزیر اعظم تھے جن کا تعلق بلوچستان سے تھا،وہ 21نومبر2002سے لے کر26جون2004تک وزیر اعظم رہے ، وہ پاکستان ہاکی فیڈریشن کے صدر بھی رہے ۔

(جاری ہے)

ظفر اللہ خان جمالی کو انگریزی،اردو،سندھی،بلوچی،پشتو اور پنجابی سمیت مختلف زبانوں پر عبور حاصل تھا ۔ ان کا انتقال 2 دسمبر2020کو 76سال کی عمر میں ہوا ، انہیں ان کے آبائی علاقے میں سپرخاک کیا گیا۔ میر ظفر اللہ خان جمالی کی سالگرہ کے موقع پر سیاسی اور سماجی حلقوں کے زیر اہتمام منعقدہ تقریبات میں انہیں خراج عقیدت پیش کیا گیا۔