ٹیسٹ کرکٹ میں مسلسل آؤٹ آف فارم ویرات کوہلی کے مستقبل بارے سوالات اٹھنے لگے

کیویز کیخلاف سیریز میں بھی ان کا بلا خاموش رہا ،اب بارڈر، گواسکر ٹرافی کے ابتدائی تین ٹیسٹ میں ان کی اوسط محض 16 رہی ہے

ذیشان مہتاب جمعہ 3 جنوری 2025 12:12

نئی دہلی (اردو پوائنٹ تازہ ترین اخبار ۔ 3 جنوری 2025ء ) ٹیسٹ کرکٹ میں مسلسل آؤٹ آف فارم ویرات کوہلی کی پرفارمنس پر سوالات اٴْٹھ رہے ہیں جب کہ سلیکشن کمیٹی انگلینڈ دورے کیلئے انہیں آرام کروا سکتی ہے۔ ویرات کوہلی اپنے آخری 38 ٹیسٹ میچز میں محض 31.32 کی اوسط سے رنز اسکور کرسکے ہیں۔

(جاری ہے)

کیویز کیخلاف بھارت کو ہوم گراؤنڈ پر ملنے والی کلین سوئپ شکست میں بھی کوہلی کا بلا خاموش رہا تھا اور اب بارڈر-گواسکر ٹرافی کے ابتدائی تین ٹیسٹ میں ان کی اوسط محض 16 رہی تھی، پرتھ میں دوسری اننگز کے دوران کوہلی نے آسان کنڈیشنز میں سنچری اسکور کی تھی تاہم 4 ٹیسٹ میچز میں ان کی اوسط 27.83 رہی۔

بھارتی صحافی کوشن سرکار نے کہا کہ کوہلی آئندہ انگلینڈ سیریز سے قبل مسلسل ناکام پرفارمنس سے سلیکشن کیلئے اپنا انتخاب خود مشکل بنا رہے ہیں۔ اسی دورے میں قیاس آرائیاں کی جا رہی ہیں کہ ویرات کوہلی پانچویں ٹیسٹ کے بعد ریٹائر ہوجائیں گے۔