پنجاب یونیورسٹی کی اراضی پر 70 سال سے قائم ناجائز قبضہ ختم

یونیورسٹی کی حدود میں 50 سے زائد پکے گھروں کو مسمار کر دیا گیا

جمعرات 16 جنوری 2025 23:44

لاہور(اُردو پوائنٹ اخبارتازہ ترین - این این آئی۔ 16 جنوری2025ء)پنجاب یونیورسٹی کی اراضی پر 70 سال سے قائم ناجائز قبضہ ختم ہو گیا جس کے تحت یونیورسٹی کی حدود میں 50 سے زائد پکے گھروں کو مسمار کر دیا گیا ہے۔وائس چانسلر ڈاکٹر محمد علی کی ہدایت پر انتظامیہ نے 70 سال بعد تقریباً 8 کنال اراضی واگزار کرالی۔

(جاری ہے)

پنجاب یونیورسٹی ہیلتھ سنٹر سے منسلک سرکاری زمین پر 37 خاندان 70 سال سے ناجائز قابض تھے جنہوں نے غیر قانونی طور پر زمین پر گھر بنا رکھے تھے۔

ان گھروں میں غیر متعلقہ افراد اور بعض بااثر ملازمین کے ذریعے زمین پر قبضہ کیا گیا تھا جبکہ کچھ ملازمین نے سرکاری زمین فروخت کرکے غیر متعلقہ افراد کو گھروں کا قبضہ دیا تھا۔ ڈائریکٹر جنرل ڈاکٹر ریحان صادق کی سربراہی میں یونیورسٹی انتظامیہ نے رات گئے ایک آپریشن کیا جس کے دوران سرکاری زمین پر قائم ناجائز گھر گرا دئیے گئے۔